0

葵芳食乜好 行出葵廣繼續食

成日聽人講葵廣好多平嘢食,但其實除咗葵廣,葵芳都有好多平民美食架!

14-12-2017-03-04-26.png

估唔到佢核桃酥都幾好食,係甜咗少少。

核桃酥 $2

係好似班戟咁嘅外皮包住忌廉同芒果,幾好食,但如果多啲芒果就更好啦,一個人食唔曬成個,會好漏。

芒果雪菓子 $12

豆豆麵包西餅

葵芳智芳街3B號地下

20蚊7隻,略嫌有啲油,一定要趁熱食!

煎餃 $20

豐衣足食
葵芳智芳街1號協德大廈地下
呢間碗仔翅開喺蛇羹隔離,有好多小食賣,不過最好食都係碗仔翅,店主姨姨好好人,好親切。
生菜碗仔翅 $16
其實2個人咁樣食係飽有突,有時離開一下大眾追捧嘅地方掃街,食吓地道小食,都幾開心啊!
廣告
0

北上遊樂團 東門裕興粵點王

好多人放假都會上深圳玩,因為係香港人心入面深圳物價低,多嘢玩又多嘢食,小編就親身去同大家試吓係咪真係又平又好食先!13-12-2017-02-41-32.png
今次就去咗東門嘅裕興粵點王,由於小編去得比較早,好多店鋪都未開門,但呢間好早就開咗啦。間鋪睇落裝修都幾好,牆上面畫咗古代人飲茶嘅樣,都幾得意架!
今次小編就試咗佢地嘅蛋肉腸粉(12元)及、牛肉腸粉(12元)、鮮肉小籠包(8元)同水餃(15元),老實講,我自己認為唔算平,可能因為開喺商場入面又有少少裝修,價錢都有唔同。
牛肉腸粉好嫩滑,肉味比較重,食肉獸可以試。
蛋肉腸粉入面就有冬菇,小編覺得酸咗少少,牛肉腸粉比較好食。
13-12-2017-02-42-31.png
鮮肉小籠包其實就係一籠菜肉包,餡少包多,但8蚊4個,又可以接受嘅。
水餃好足料,不過有冷凍水餃之嫌,但幾好食嘅!
13-12-2017-02-42-12.png
裕興粵點王
抵食度:★★★☆☆
推薦度:★★☆☆☆
地址:東門鴻展中心負一樓

0

赤柱芬蘭聖誕市集又嚟啦!必影必食逐個捉!

想感受北歐聖誕氣息?嚟緊週末快啲去赤柱廣場啦!每年赤柱廣場都會舉行聖誕市集,邀請嚟一大班本地及外地參展商參與,仲有好多表演同影相位添!

今年聖誕市集以芬蘭為主題,喺12月9至10日同16至17日,一連兩個星期六日,喺赤柱廣場天幕廣場舉行!小編尋日就去咗啦,一齊睇吓有乜好推介啊!

脆皮豬肘配酸椰菜 $60

年年聖誕市集呢個攤位都排曬長龍,就咁睇條龍都知好味啦!豬肘真係好爽脆,咸豬手肉配上脆卜卜嘅皮再加上軟綿綿嘅酸椰菜同芥茉真係好夾啊!

三色鹿肉香腸 $60

鹿肉香腸你試過未?小編自己就鐘意食紅色同白色嘅脆皮腸,而同行朋友就話黑色嘅血腸好好味!大家不妨黎試吓啦!

芬蘭聖誕撻 $30

呢個芬蘭聖誕撻好好味啊!佢嘅撻皮就算凍咗都好香甜,配上香軟嘅水果餡,正!

芬蘭肉丸 $40

呢個肉丸唔會好油,好重香草味,加埋熱辣辣嘅醬汁,好有北歐風味!

除咗食嘢,仲有好多攤檔賣各式手工製品同聖誕禮物添!係場內消費滿600蚊,可以換隻Kuksa手工杯返屋企!

今次市集都有幾個特色影相位,俾大家體驗吓芬蘭冬日嘅美。
「芬蘭Jacuzzi拍照區」最有特色,大會有提供厚身外套,仲不時噴出蒸氣俾大家體驗一吓芬蘭浴。

「雪地奇緣音樂舞台」嘅造型好似一個巨型音樂盒,周圍都係閃令令嘅冬日裝飾,記得影多啲相啊!

「異國極光玻璃屋」,除咗影相仲可以戴上VR眼鏡睇北極光!仲有鹿車俾你座上去影相添!

另外,如果你下載咗領展App「泊食易」,仲有閃燈汽球送添!入夜之後影相好靚架!

有興趣嘅朋友可以搭大會安排免費接駁巴士入赤柱,由海洋公園或筲箕灣出發,又或者可以搭香港仔開出嘅免費穿梭船去赤柱碼頭。

日期:12月9日、10日、16日及17日

地點:赤柱廣場天幕廣場

0

Grandy Mary登陸旺角 夢幻雪糕飲品新選擇!

Grandy Mary由2014年打拼至今大受歡迎,無論係手工軟雪糕定係獨特飲品以至大受歡迎的雞蛋仔2.0都用心製作,最近終於係旺角區開分店,又一個就腳位可以食到佢啦!

因為Grandy Mary投放入食品嘅誠意同對原材料之執著,深受大家喜愛。為慶祝旺角分店新開張,推出賣相極之吸引嘅i-Drink:將雪糕同飲品合二為一,一隻膠杯分成兩層,下層裝飲料,上層放雪糕,膠杯兩側更可放兩支吸管。同男朋友或者親友一齊Share又得,霸氣自己一人享用都係一大享受啊!Grandy Mary一直相信快樂的始源就是分享,甜品本身已帶給人歡樂的心情,能夠把甜品分享出去,會食得更滋味。喺未來GRANDY MARY 將致力開發及搜羅更多更創新嘅產品,大家密切留意啦!

此外,Grandy Mary都有提供各種手工軟雪糕、 乳酪雪糕、果茶以及自家特調梳打飲品,小編自己就覺得佢嘅手工軟雪糕真係必揀項目!今日我地試咗4樣嘢食,等我續一為大家介紹返啦!

經典皇牌雪糕
可以揀法國3.6牛奶雪糕及意大利頂級乳酪,前者採用法國3.6牛奶製作,奶味香濃,口感厚滑。意大利頂級乳酪清酸香甜,極致乳酪濃而不膩,配搭自家設計新穎配料,帶來視覺及味覺上的享受!小編試嘅係C10 Fancy Pop,朱古力焦糖爆谷味,朱古力唔會太甜,焦糖波波爆谷點上朱古力同雪糕食超好食!一淡食落去好有層次感,朱古力棒沾滿牛奶雪糕,好誘人啊!但最最最好味都係個雪糕底,3.6牛奶果然係香甜軟滑啊!

經典皇牌雪糕 Fancy Pop $29(3.6牛奶雪糕)/$33(乳酸牛奶)/$37 (意大利頂級乳酪)

雞蛋仔窩夫2.0

即叫即做的雞蛋仔用了新鮮雞蛋及法國3.6牛奶,把雞蛋仔升級,內裡做成窩夫的口感,粒粒真材實料。共有十多款口味,包括超人氣的麥提莎及Oreo口味;也有餐肉、肉鬆等的港式口味,相當特別!今次小編食咗店長推介嘅栗子味,每一粒雞蛋仔入面都包住暖暖嘅栗子肉,好足料架!口感外脆內軟,冬天食就啱曬啦!

栗子雞蛋仔窩夫2.0 $25

天使之泉

天使之泉其實係特調梳打系列,呢個系列嘅飲品改名改得好有心思,例如藍月、魅力王子,又或者係今次試飲嘅呢杯戀蜜玫瑰,睇嚟店主都好有少女心呢!如果你有鋪Ig打卡癮,小編好推薦你點呢個系列啊!因為杯杯都整得好靚,色彩好繽氛!例如呢杯戀蜜玫瑰就成杯都粉紅色,杯底仲有幾粒玫瑰花係度!貴氣又夢幻!佢係由炭酸梳打、蜂蜜、玫瑰同玫瑰水晶製成,一入口就散發住滿滿嘅玫瑰香,喜歡玫瑰嘅朋友一定要試吓!

天使之泉 戀蜜玫瑰 $29

特色熱飲

除咗雪糕同凍飲之外,呢度都有特色熱飲俾大家選擇。有咩比得上冬天呷一口暖暖嘅飲品更寫意?就係呷一口有貴族氣息又驅寒嘅薑・伯爵奶茶!入面真係真材實料有一片片薑片㗎!佢最特別嘅係用伯爵茶作為茶底,一飲就感受到歐洲氣息,薑味啱啱好,唔會覺得辣又完美混合係奶茶之中!女仔每個月嗰幾日都可以飲,好貼心啊!

薑・伯爵奶茶 $20

Grandy Mary 不時都會推出唔同嘅活動,買滿指定金額可以獲得印花,集齊指定印花就可以換唔同嘅禮品!

今期有ChangeChangeCat索繩帆布袋同馬卡龍袋,好實用好可愛啊!馬卡龍袋仲有幾隻色,同朋友一人一個夠曬好姐妹啦!

地址及營業時間:
Ø 旺角店:旺角彌敦道688號旺角中心地下G25B1號舖(星期一至星期日;11am-11pm)

Ø 西環店:西環卑路乍街6G號新城大樓1號地舖(星期一至星期日;12:45pm-10pm)

Ø 荔枝角店:荔枝角荔枝角道863號泓景匯商場1樓22A號舖(星期一至星期日;12:30pm-9:30pm)
網站:http://www.grandymary.com/
Facebook:https://www.facebook.com/GrandyMary
Instagram:https://www.instagram.com/GrandyMary/

0

1881木馬歐風貴族聖誕

1881每年嘅聖誕節都好有氣氛,尤其配上佢歐風嘅古代建築更加吸引人去打卡。今年1881嘅主題係以木馬為主,遠遠就望見一隻精緻嘅巨型木馬搖椅,好吸引。

Screen Shot 2017-11-26 at 8.48.45 pm.png

 

行入去兩邊都有展示小木馬玩具,隻隻都好靚,滲透古典而華貴嘅氣質。

Screen Shot 2017-11-26 at 8.49.58 pm.pngScreen Shot 2017-11-26 at 8.49.44 pm.png

華麗設計嘅歐式小房間吸引好多人入內影相,一間小小嘅房間配上大大盞水晶吊燈,加上歐風擺設,令人彷彿置身歐洲,可以坐係佢布椅上影相,記住唔好坐咁入先影到大長腿啊!

有時間可以上埋樓上花園,夜晚上去好浪漫架!

地點:1881 Heritage 海利公館

0

聖誕節去iSQUARE搵返你嘅童心啦

唔知你地細個有冇玩積木呢?小編細個就好鐘意玩,因為積木真係玩唔厭,想整乜就整乜,如果收到積木做聖誕禮物真係超開心架!

Screen Shot 2017-11-26 at 8.51.03 pm.png

今年iSQUARE搵黎日本知名的微積木品牌nanoblock 為 iSQUARE 國際廣場設計【I LOVE iSQUARE】限定聖誕小熊,一排積木砌成嘅I❤U小熊,好有童趣,好可愛。

Screen Shot 2017-11-26 at 8.51.18 pm.png

呢個巨型白色聖誕塔係必打卡位,四邊玻璃窗砌入色彩繽紛嘅聖誕花環做裝飾,聖誕塔底放置小聖誕樹,無論遠近鏡都充滿節日氣息。

Screen Shot 2017-11-26 at 8.51.29 pm.png

白色聖誕塔仲設有高6米嘅機動聖誕樹,佢定時轉動,聖誕樹入面擺有nanoblock 聖誕系列積木造型裝飾,有聖誕老人、雪人、馴鹿、 聖誕柺杖、聖誕襪同聖誕禮物,一一呈現眼前,用微積木同你迎接普天同慶嘅大日子!

日期︰即日至2018年1月7日
時間:09:00 ‑ 23:30
地址:iSQUARE國際廣場

0

野餐好去處 南昌公園

天氣轉涼,又係時候約朋友野餐啦,其實近住地鐵站都有好多靚公園可以野餐,唔洗下下去郊外,一黎就腳、二黎唔洗全部都係人,可以休閒地同朋友渡過一個下午。24-11-2017-01-17-32.png

公園都幾大,設施都幾齊全,有緩跑徑、長者健身、健康步道、兒童遊樂場,任何年齡都可以黎玩呢!

24-11-2017-01-17-55.png24-11-2017-01-18-23.png

呢度亦放有樂座其中其中一個作品,就係公園旁嘅草地,唔想席地而坐又可以坐係呢啲作品上面,仲勁Chill添!

24-11-2017-01-18-40.png

另一個開心位就係,佢有得打韆鞦,呢度嘅韆鞦唔係止尿片型,大人小朋友都玩得,好開心!

唔知你地又會去邊度野餐呢?

 

0

屯門食乜好 華都50蚊2人行

今次窮人食家入到屯門覓食,經地膽朋友推薦,去咗華都商場1樓小食街,呢度雖然唔係啲咩新商場,但都幾多食店,價錢比龍門居、良景親民少少,不過畫風都比較樸實少少。今次小編好好彩買3樣野食都好好食,都夠2個人衣肚,一齊睇吓我地食咗啲咩啦!

24-11-2017-01-06-16.png

新味 日式炸醬撈麵
鋪頭入面個姐姐話呢個撈麵醬係醬日式芝麻醬同肉醬炒埋,就甘睇落有啲似譚仔炸醬,聞落好香芝麻味,就甘試個醬都幾咸,又帶啲肉醬香,撈勻食好好味,芝麻味唔算好重,同肉醬完美熔合,正!另外仲可以加幾蚊要杯豆漿或者加餸添!

日式炸醬撈麵 $17

24-11-2017-01-06-31.png

勁の味 墾丁風味炸牛奶
小編自己好鐘意呢個炸牛奶,炸到外面脆卜卜好似油炸鬼咁,牛奶餡好香好軟滑,而且唔會太甜,好快已經一粒接一粒食曬啦!店內哥哥話佢係特登去墾丁牧場學整架!想食到墾丁嘅味道就要黎試吓啦!

炸牛奶 $12

24-11-2017-01-06-47.png

板卷 超好食炸軟殼蟹手卷
由於同行朋友都大食,所以Y小編儘量都捺啲飽肚嘢,見到呢間手卷店好吸引,鋪仔細細超多選擇,價錢都好吸引,由於我地用淨21蚊,所以就揀咗呢個炸軟殼蟹手卷,叔叔勁Nice整到個手卷勁靚,佢話呢D係基本嘢,好有自信!一食落口我就明白佢嘅自信係有原因架,因為真係超好食,軟殼蟹炸得啱啱好,連埋沙律醬同壽司飯咬落去,D蟹汁同沙律醬係口入面爆開,又唔會太過熱,配埋微酸嘅壽司飯簡直係掂啊,仲唔會覺得漏,大推!

炸軟殼蟹手卷 $21

食完3樣嘢都夠飽啦,可惜嘅係唔夠預算買埋飲品,但間間小鋪都有誠意之作,得閒可以過黎食吓啦!如果你地都有美食推薦,希望你地可以留言同我開心Share,拜拜!

板卷 :屯利街1號華都商場1樓65C號舖

勁の味:屯利街1號華都商場1樓

新味:屯利街1號華都商場1樓41號舖

0

聖誕節去邊好 海港城Christmas in the Air

其實全香港都知,海港城每年聖誕節都落足本裝扮商場,稱得上九龍市區最有聖誕氣氛嘅商場啊!今年海港城聖誕節主題叫Christmas in the Air,由一隻隻好似汽球咁脹卜卜嘅聖誕老人帶大家登上宇宙飛船,好可愛啊!24-11-2017-10-24-12.png

今次嘅聖誕老人個個都有圓碌碌嘅肚Dum,隻腳又瘦又細,個個都好似個波咁,最抵死嘅係佢地個個都擺曬啲得意Pose,去同佢地影相記住自己練定可愛Pose啦,如果唔係俾佢地搶曬Focus啊!

24-11-2017-10-24-40.png

除咗聖誕老人,飛船都非常夢幻,一架架金光閃閃嘅宇宙飛船等你地登上啊!機葉仲識轉架!真係帶到我地飛上天就好啦;另外同場仲有熱氣球,唔知係咪因為啲聖誕老人太脹上唔到熱汽球先改坐飛船升天呢?

24-11-2017-10-25-00.png

樓梯都係每天必影位之一,可以同朋友一人一級,影埋聖誕吊飾,好靚好夢幻啊!

 

Christmas in the Air@海港城 
日期: 21/11/2017 – 1/1/2018(10am-10pm)
地點:尖沙咀海港城海運大廈露天廣場

0

屯門咖啡小姐 生活需要慢慢品嚐

 

今日想同大家介紹呢間位於屯門嘅Miss Coffee,小編山長水遠突登黎食,唔係睇咗啲咩邪惡隱世拉絲嘅食評,而係睇中佢嘅態度同氣氛,覺得一定要黎試一試。

23-11-2017-01-34-20.png

Miss Coffee其實海圖Cafe嘅姐妹店,關於兩鋪之隔嘅海圖Cafe,小編有機會再同大家介紹。Miss Coffee甫進店之際就感受到佢輕鬆嘅氣氛。唔係因為大家都懶懶閒,係因為大家都好享受自己手上做緊嘅事,咖啡師專注沖咖啡、店員都敬業樂業咁工作,間中又閒談幾句,成個氣氛好舒服。

23-11-2017-01-34-51.png23-11-2017-01-35-32.png

黎到Miss Coffee,就要適應呢度嘅步調,佢地唔係啲連鎖快餐,你點嘅每一樣菜佢地都要時間製作,佢地有刊物架可以供人閱讀,你亦都可以同朋友傾吓計、或者係度聽下歌、影吓相,但就唔好催單啦!呢度樣樣嘢食都係用心製作,慢工出細貨啊嘛!

呢度all day breakfast最貴都只係88蚊,好抵食,而且比出面好多都有誠意,絕對唔慳皮架!小編最鐘意係切開個蛋黃點多士,多士烤得岩岩好,脆卜卜好好味。

23-11-2017-01-36-13.png

大大早餐 $88

班尼迪蛋好有心機擺盤,班尼迪蛋同大啡菇夾住煙三文魚,好吸引啊!

23-11-2017-01-36-32.png

班尼迪蛋配煙三文魚 $53

呢個意粉真心推薦,酸度、甜度同咸度都啱啱好,加上食到煮到軟爛嘅蕃茄肉,就甘食都已經好高分。牛柳粒圍住碟邊做裝飾,好有心思。一啖咬落去啲肉汁爆入口中,好幸福啊!

23-11-2017-01-36-49.png

煙花女意大利面配牛柳粒 $75

Miss Coffee

地址:屯門青柏徑6號鹿苑地下18號舖
營業時間:10:30–22:30

0

元朗滔滔甜品 呷一口舊香港的味道

入親元朗指定動作一定係食好東西,今日就同大家介紹呢間最近新開嘅滔滔甜品。呢間糖水鋪一開張就門庭若市,好多人都去食架!滔滔甜品以懷舊作主題,鋪仔細細但處處充滿舊香港嘅味道。連Menu同餐具都好有樸實懷舊feel,好正!

23-11-2017-01-00-0623-11-2017-12-59-42.png

當然,會有咁多人去食一定因為味道好啦,今次小編試咗3款糖水,碗碗都好好味啊!

本身小編係想叫有齊10款配料嘅滔滔雜崩冷($28),點知佢地已經賣曬啦,想食就要早啲去啊!然後小編就叫咗清心丸配綠豆爽、石磨芝麻糊湯丸同木瓜雪耳燉桃膠。

23-11-2017-01-00-20.png

清心丸配綠豆爽 $22
小編第一次食清心丸,一試成主顧啊!一粒粒透明狀、煙煙韌韌嘅清心丸浸係綠豆糖水入面,好好味口感好豐富!

23-11-2017-01-00-36.png

石磨芝麻糊湯丸 $27
小編自己本身好喜歡芝麻湯丸,呢度嘅餡係黑芝麻,咬落口係流心嘅,好食又唔會太甜!

23-11-2017-01-00-48.png

木瓜雪耳燉桃膠 $29
最近興起食桃膠,呢度嘅桃膠燉得好軟身,同木瓜雪耳糖水好夾,聽講桃膠可以清血降脂,加埋滋潤糖水底好岩食完油膩野過黎飲返碗,順便養顏,正!

滔滔甜品

地址:元朗康樂路8號康樂廣場地下9號舖
營業時間:15:30-01:00

0

聖誕節去邊好 去The One搵鬆弛熊過聖誕

肥嘟嘟嘅輕鬆小熊今年喺尖沙咀The ONE同大家見面啦!「Rilakkuma 輕鬆小熊 甜蜜小鎮」以蜜糖做主題,有6大場景打卡位,包括「甜蜜心林」、「聖誕樂郵郵」、「黃金糖果屋」、「紅色聖誕大屋」、「甜蜜回憶製作所」同「甜蜜蜜蛋糕噴池」。

23-11-2017-02-28-57.png

你以為佢係巨型聖誕樹!?其實佢係有聖誕樹裝飾嘅巨型蛋糕嚟!好Sweet啊!

23-11-2017-02-29-17.png

中間嘅巨型鬆弛熊公仔好可愛,一定要搵佢影相。

記得入豬鼻雞糖果屋搵小雞店員影返張甜甜的相。

23-11-2017-02-29-38.png

一旁嘅「甜蜜回憶製作所」可以拍攝AR短片。

地下露天廣場有條小徑,入面有各個角色,天色暗咗之後入去睇吓,好靚架!

露天廣場亦有小屋俾大家同小熊影相!

今次已經係The One第二次請黎鬆弛熊同大家過聖誕啦,仲帶埋新朋友茶小熊嚟添!希望年年都有咁可愛嘅鬆弛熊同大家過輕鬆聖誕節啊!

沒有自動替代文字。

「Rilakkuma 輕鬆小熊 甜蜜小鎮」

日期:即日至2018年1月1日
時間:10:00-22:00
地點:The One UG2中庭、地下露天廣場及L2

0

深圳輕鬆遊 想影文青風美照就要去創意文化園

又係我啊,愛北上嘅Y小編!上次同大家介紹嘅抹茶店係咪好吸引,今次就同大家介紹另一個打卡熱點,OCT創意文化園。小編係一個愛逛市集嘅人,OCT創意文化園每個月第一個週末都會舉行週末市集,於是乎小編每隔一個月基本上都會北上一次去趁墟。但呢個只係我推薦呢度其中一個原因,除咗市集之外,呢度有設計師品牌;有唔同風格嘅餐廳、Cafe;有文藝書店;有藝術展覽,無論你係想玩玩玩、食食食、影影影定買買買呢度都有齊,甚至可以上埋設計獨特嘅salon剪頭髮,點都要黎返次啦!

OCT創意文化園每期都會有唔同嘅展覽,今次我地就遇正竹藝展,欣賞到藝術家眼中大自然嘅美。

22-11-2017-01-58-24.png

呢度基本上每間鋪頭都有花心思去裝修,隨便一影就係打卡相。

小編自己好喜歡去呢間隱於書店內嘅Cafe,雖然張張檯凳都唔同樣,但又出奇地好和諧;座係後園又勁Chill,仲有隻型仔貓貓鎮店添!

22-11-2017-01-59-07.png

呢邊夜晚周不時都有幾間餐應會有現場駐唱,氣氛好好,食物質素都幾好,價錢又唔貴,有興趣可以上黎體驗一下。

22-11-2017-02-00-40.png

今日就介紹到呢度,如果大家有興趣就留言話俾小編知啦,小編可以逐一為大家介紹!拜拜!

0

感恩節簡單食譜 紫薯棉花糖朱古力批

感恩節又到啦!對於好多香港人未必一定會好熟悉呢個節日,但對小編黎講,感恩節除咗表示一堆外國網購瘋狂特惠,仲代表冬天嘅節日正式來臨,係時候要搵老友聚會,要感謝屋企人一整年對自己嘅包容。冬日嘅聚會又點少得暖笠笠嘅甜品呢?美國人傳統會食棉花糖焗蕃薯,因應香港人口味,今日就同大家一齊整個紫薯棉花糖朱古力批,超級簡單!

22-11-2017-12-27-45.png

材料

批底:

低筋麵粉135G
糖粉35G
無鹽牛油130G
鹽半小匙

餡料:

紫薯蓉 200G
牛奶朱古力100G
白朱古力100G
朱古力脆脆適量
棉花糖1包

1.無鹽牛油切粒,放入低筋麵粉同糖粉中快手搓至沙粒狀,鋪入撻模雪至少20分鐘。

22-11-2017-12-37-40.png

2.用叉係批底篤少少氣孔,灑上朱古力、鋪上紫薯蓉、隨心加入朱古力脆脆。

22-11-2017-12-38-30.png

3.放入已預熱焗爐以200度焗15-20分鐘。

4.鋪滿棉花糖再以180度焗3-5分鐘至棉花糖變色,完成!

Tips:

小編用咗現成薯蓉,想自己整可以將紫薯/紅薯/蕃薯微波爐加熱或大火蒸熟,壓碎即可,仲好有口感添!

呢個食譜偏甜,可以加重薯蓉同以黑朱古力代替牛奶朱古力/白朱古力降底甜度。

如果連批底都唔想整可以買現成酥皮,口感會略有不同。

 

0

2017聖誕打卡分區懶人包 (不斷更新)

臨近12月,香港終於凍啦!一到年尾就諗起聖誕節,因為全港各地都會換上燈飾,各大商場都出招營造節日氣氛。但咁多個地方要一次去曬真係有啲難度,於是我地就為你分區介紹,等大家可以用最短時間影最多靚相。

九龍區

尖沙咀

聖誕節去邊好 去The One搵鬆弛熊過聖誕

 

新界區

屯門

 

 

聖誕去邊好 小鹿貝比、豆腐仔現身屯門

 

 

 

聖誕去邊好 正義聯盟型格聖誕節

 

 

0

快手野餐食譜 爆醬粟米三文治

去野餐整野食最快手梗係整三文治啦!既方便又飽肚,仲好快手添!今次就同大家整超多料粟米三文治,大人小朋友都啱食,自己整特別足料,最緊要係手殘都整到啊嘛!

材料:

粟米粒 2大匙
卡夫奇妙醬Light 適量
三文治火腿 4片
厚切方包 4片
低脂芝士 2片

火腿放入滖水燙30秒,瀝乾放涼備用。
用碗裝起栗米粒,加入卡夫奇妙醬拌勻。

依次序將方包>火腿>粟米醬>火腿>芝士>方包組合。
對半切開,完成!

 

0

AMOREPACIFIC 節日套裝幫你靚住過聖誕

踏入秋冬,聖誕佳節進入倒數,係精心挑選靚衫嘅同時,唔好唔記得做好秋冬肌膚護理啊!AMOREPACIFIC同雪花秀攜手推出「限量聖誕尊貴套裝」,薈萃共16款皇牌美肌珍品,呈獻大韓尊貴美肌精髓,同時慶祝普世歡騰的佳節來臨。

 

TIME RESPONSE X’mas Limited Collection HK$3,300 (價值HK$3,850)

TIME RESPONSE X_mas Limited Collection Duo Set

呢個聖誕急救套裝可以幫你係佳節前席將肌膚調至最佳狀態,自用送禮都非常適合!

TIME RESPONSE Intensive Skin Renewal Ampoule 7ml x 4
TIME RESPONSE Targeted Eye Masque 4 pairs

 Signature Cushion Set HK$400-560 (價值HK$580-740)Signature Cushion Set

秋冬嘅天氣轉變,底妝都係時候要換季啦!跟據自己嘅需要去挑選啱自己嘅秋冬底妝,套妝仲包埋卸妝油、精華同妝前乳,一次將化妝前後準備都準備好啦!

IDEAL BLOOM FOUNDATION CUSHION SPF34/PA++ 15g x 2 OR
ANTI-AGING COLOR CONTROL CUSHION SPF50+/PA+++ 15g x 2 OR
TREATMENT COLOR CONTROL CUSHION SPF50+/PA+++ 15g x 2

TREATMENT CLEANSING OIL FACE & EYES 30ml
MOISTURE BOUND Rejuvenating Serum 5ml
PERFECTION BLOOM NATURAL FINISH BASE PRIMER SPF20/PA++ 3ml

VINTAGE SINGLE EXTRACT ESSENCE Set HK$1,020 (價值HK$1,780) VINTAGE SINGLE EXTRACT ESSENCE Set.jpg

落妝後嘅修護都好重要架!一款好嘅睡眠面膜可以幫你係晚間密集修護疲累嘅肌膚,令你Keep住散發迷人光彩。

TIME RESPONSE Intensive Renewal Masque 24g x 1 sheet
VINTAGE SINGLE EXTRACT ESSENCE 120ml
TIME RESPONSE Skin Renewal Sleeping Masque 3ml
TIME RESPONSE Skin Renewal Intensive Creme 8ml

限量聖誕尊貴套裝由2017年11月10日至2018年1月4日於 AMOREPACIFIC專櫃及概念店公開發售。

0

快手野餐食譜 豉油雞翼

去野餐整咩食好呢?有時突然興起去郊遊,得少少時間又唔想食出面野食,就可以試吓整呢款雞翼啦!小編整嘅時候無解凍雞翼都無乜點醃到,但整出黎都夠嫩夠味冇雪味呢!冇時間可以試吓整啊!

材料:

冷藏雞翼 2磅

醃料:

鹽 3小匙
胡椒粉 3匙
鼓油 2大匙
薑粉 2匙
雙蒸酒 1瓶蓋

雞翼放微波爐解凍2分鐘,放入鋁碗,將醃料全部放入,拌勻,用叉戳洞,放置5-10分鐘。

煲滾2碗水,將醃料先加入滾水,煮滾再放入雞翼,蓋上鍋蓋煮至雞翼變色,關火燜10分鐘。

img_1156-e1510672186502.jpg

大功吿成!

小貼士:
想雞肉再嫩啲,可以係煮嘅過程加入生粉。
窿篤得密啲會更入味。

 

0

快手野餐食譜 蕃茄螺絲粉

秋天終於到啦!又係野餐嘅好時節,今次就同大家整吓蕃茄螺絲粉啦!酸酸甜甜、玩完一輪食就最啱!

材料:

蕃茄 3個
甘筍半條
香腸1條
洋蔥半個
大蒜2瓣
茄汁 適量
螺絲粉 2碗

滾水加2小匙鹽,落螺絲粉,煮11分鐘。

蕃茄、甘筍、香腸、大蒜切碎;洋蔥切絲。

熱油,炒香蒜蓉,依次加入洋蔥、甘筍、蕃茄炒熟;最後加入香腸、茄汁,做成醬汁。

螺絲粉瀝乾放涼、茄醬放涼,分別裝入2個盒,完成!

小貼士:
如果怕螺絲粉黐埋一齊可以係煮嘅時候加少少油,煮好瀝乾攤到完全變涼先放入盒。
可以依個人口味加入肉碎,但顏色會變深。

希望大家都可以開心野餐啦!拜拜!

 

 

 

0

深圳輕鬆遊 高質抹茶店——初代

唔知大家放假會去邊玩呢?小編自己就周不時都會北上玩吓、食吓嘢,最常去就係深圳啦!今次就同大家推薦一家抹茶店,除咗嘢食味道好、裝修又靚、仲有漢服試著添!

19

門口就見到好靚啦!有好多櫻花做裝飾,仲有熊本熊公仔係門口迎接你大駕光臨!

18

118

10

店內裝修同擺設都十分用心,一間小小嘅店鋪有曬四季嘅景色,有櫻花樹、有楓葉、有竹等等;仲有好多著住古裝嘅公仔、仲有一把把倒吊嘅油紙傘,花款多多,但又唔會顯得唔協調!

1413

連收銀都放左隻公仔,隻隻都好精緻㗎!店員姐姐仲好好人,可以叫佢幫手影合照!

9

連餐單都採用手繪風,樣樣都好吸引啊!同行朋友推薦我地一定要試千層蛋糕,小編試食完之後覺得蛋糕真心好味,但軟雪糕先係真心經過唔入去影相都好值得食啊!抹茶味好濃,牛奶味好香,連個雪糕筒都好好食啊!

4

店家同我地講有2套漢服可以借俾客人影相。小編自己㨂咗綠色漢服,仲有淺藍色可以揀,同背景好夾啊!

1

抹茶歐培拉 ¥35

唔好睇佢細細嚿,但其實佢一啲都唔惹少啊!抹茶朱古力、抹茶蛋糕同杏仁粉層層交疊,食落口靠感到濃厚嘅抹茶味,再有抹茶朱古力嘅香甜滲出,加上杏仁粉同糖粉嘅甜味,不論你係抹茶控定甜點控都會滿意。

3宇治金時白玉 ¥32

呢碟宇治金時白玉係店內招牌,入面有抺茶蛋糕、綠茶粉白玉、抺茶雪糕、糖漬栗子同紅豆蓉。白玉好彈牙,就咁灑上緣茶粉食有啲淡,但加上紅豆蓉成件事就好合理;抹茶蛋糕就咁食有啲乾身,但右上抹茶雪糕就好完美,好神奇啊!

5山核桃抹茶千層 ¥28

登!登!登!登!呢個千層蛋糕真係好高質啊!山核桃嘅香氣同抹茶嘅味道非常夾;山核桃被製成一粒粒嘅脆脆,鋪係軟滑嘅千層蛋糕上面,口感一流!

初代係全中國都有分店,小編今次去嘅係東門店,呢度嘅服務同環境都令人非常滿意,建議大家可以早少少黎,因為下午過咗3點呢度會排曬隊架!想影相可以係11點左右過去,增加漢服體驗嘅機會。

地址: 東門街道永新街59-11(中泰來酒店對面)

電話: 13316985282
營業時間:10:30-23:00
人均消費:¥38

0

健康泰滋味 米芝蓮推介泰式料理

香港人鐘意品嚐各地美食就出曬名,泰國菜就係其中一項港人最愛。但食還食,健康先係最重要。唔好以為健康嘢就唔好食啊,獲米芝蓮推介嘅本地人氣食府Café Siam以地道泰式風味見稱,宜家更同亞洲著名食物營養師Kim Murphy攜手合作,推出一系列充滿驚喜的健康泰式料理。呢個特別設計嘅菜單包括大量素菜嘅選擇,全部營養豐富,色香味俱全,既要符合低鈉、低鹽及低糖嘅原則。

IMG_1236

椰青克弗爾特飲 $58

呢個椰青特飲真係充滿泰味,就甘拎出黎就殺曬啦!加上椰青本身就係非常天然非常健康嘅食才,加入非乳類克菲爾菌元,好味之餘又加倍健康!

IMG_1296田園蔬菜條伴花生醬 $68

食主菜之前可以點咗呢個蔬菜條先,佢其實係甘筍、青瓜同西芹條配上東南亞風味嘅花生醬,清爽得黎又開胃。

IMG_1298

泰式香草豆腐雜菜米紙卷 $80

想食素菜嘅朋友可以考慮呢道菜,佢嘅口感非常豐富,一咬入口有豆腐嘅濕潤、生菜嘅爽脆同粉絲嘅口感,雖然味道唔重但值得一試。

IMG_1242

夏日芒果沙冰 $58

講起泰國菜就一定係芒果沙冰啦,呢個芒果沙冰打得好綿密,入口清爽,仲好解膩添!

香茅斑蘭葉特飲 $58

好清新好新奇嘅搭配,一入口其實唔係好習慣,但加埋其他食物就好有東南亞 Feel,值得一試。

IMG_1306

香草青芒果大蝦包配酸子醬 $98

呢個係小編推介,據講呢個係要用底嘅葉一啖食落口,真係好好食!酸酸甜甜,非常特別。

IMG_1310

燒豬頸肉配青芒果沙律 $128

真心推薦佢嘅青芒果沙律,呢度嘅青芒果沙律比出面會辣少少,但一啲都唔影響佢嘅美味!加埋啲豬頸肉真係好正啊!

IMG_1317燒大頭蝦伴泰式芒果沙律 $138

食泰國嘢點少得蝦呢?呢度菜蝦味十足,食到蝦嘅原味!

IMG_1319蒜香炒雜菌 $88

又一道素菜之選,如果覺得雜菜米紙卷太淡,可以試吓呢道菜呢!IMG_1320

紅咖哩配田園蔬菜 $98

佢嘅紅咖哩真係好好食啊!就算冇肉都唔覺得單調啊!

IMG_1321

南瓜紅咖哩配大蝦 $128

同樣都係紅咖哩,加上大蝦嘅香氣配合得好好啊!

有興趣可以去試吓架!

Café Siam
中環:
星期六| 中午12:00—下午2:30
Café Siam |中環德己立街21號The Plaza 2-3樓
電話: (852) 2851 4803 | 網址: http://www.cafesiam.com.hk

Café Siam
堅尼地城:
星期六至日| 下午12:30—下午4:00
Café Siam | 西環堅尼地城科士街38號
電話:(852) 2855 0810 | 網址:www.cafesiam.com.hk

0

旺中覓食推薦 好味唔一定貴嘅

話說有一日Y小編同揸機哥哥喺旺角行街,經過旺中覺得肚餓就入咗去搵食,用咗$50就食飽出返黎啦!仲發現到堅好食嘅小食添!好食嘅嘢真係唔一定貴架,小編真心推薦俾大家啊!

第一站:洪祖師
WhatsApp Image 2017-11-13 at 3.56.11 PM

其實好多人都知佢嘅擔仔麵非常不賴,但今次我地就試咗佢地嘅鹽酥雞,即叫即整!係炸好之後仲可以自己落味粉,就算係重口味一族都可以一試呢!份量唔算多,但2個人都夠食嘅,$18都叫幾抵食。

地址:旺角彌敦道688號旺角中心1期1樓F88A號舖

第二站:杯中物

WhatsApp Image 2017-11-13 at 3.56.12 PM

呢間小店主打「貓包」,但我地資金有限,唯有揀$10一份嘅地瓜丸,原本冇乜大期待。佢個賣相好似一兜咖哩魚蛋咁,仲有片蝦片裝飾添!食落真係好驚喜!炸皮入面包住軟綿綿嘅蕃薯蓉,好香甜啊!

地址:旺角彌敦道688號旺角中心一期1樓F87B號舖

第三站:金沙糖

WhatsApp Image 2017-11-13 at 3.56.10 PM

食左咁多熱氣嘢,係時候飲杯嘢潤吓喉。金沙糖算得上良心小鋪,好多平野飲,我地就揀左$8一杯嘅木瓜汁,其實見到佢係加左少少糖水,都明有成本嘅考量,但勝在老細會可以免費加西米,姐飲嘅唔係果汁,係老細嘅心啊!

地址:旺角彌敦道688號旺角中心一期2樓S71B號舖

第四站:又一戟

WhatsApp Image 2017-11-13 at 3.56.11 PM (1)

掃街又點可以少咗雪糕呢?又一戟嘅雪糕正常份量都好大球,我地就用$14買咗2球,我就鐘意士多啤梨味,好似雀巢三色雪糕嘅草莓味;揸機哥哥就鐘意曲奇味,幾啖就食晒喇!除左雪糕之外,又一戟嘅班戟卷好出名架,行過可以試吓!

地址:旺角彌敦道688號旺角中心一期 2 樓 SA31

0

不幸的Lucky Box!太子同西九都有得玩啦!

唔知大家有無留意,最近日本同台灣都出咗好多各類不Lucky Box販賣機,大獎有機票、iPhone等等,但其實香港一早已經有得玩啦!一齊去睇吓啦!

沒有自動替代文字。小編自己就去左太子聯合廣場嘅販賣機,其實都幾多人玩過中過奬架!35蚊可以抽一次,首先先輸入心水LuckyBox嘅位置對應號碼,然後用八達通俾錢就得!小編今次就中咗個Heather環保袋。

圖像裡可能有1 人、站立呢個販賣機入面一共有3種Lucky Box,分別係"不幸"、"貪婪"同"極惡"。最近仲加咗神祕感極重嘅紫色"絕望",等小編下次再玩吓先!

沒有自動替代文字。

店主係Facebook表示希望將這種日本流行小玩意,帶到今日嘅香港,現今香港正正需要呢種冒險精神, 冒著險尋歡樂!

盒子機:

西九龍8樓電梯旁

太子聯合商場1樓扶手電梯旁

Facebook:www.facebook.com/hung.unlucky/

 

 

 

0

Casio TR mini聚光蜜粉機 8+1補光勁過化妝

自拍神器又有新搞作,於日前推出宛如蜜粉盒一樣嘅TR mini!以一貫嘅超強自拍神效做主打,各式閃燈配上唔同嘅美顏特效,女神照咪就係咁黎架囉!

TR mini外形成個粉盒咁,見到個樣都令人少女心爆發啦,試諗吓同姐妹出去玩之際你係化妝袋拎呢部TR mini出黎,真係會引黎全場尖叫架!仲有五隻顏色:清新綠、夢幻粉、天使白、華麗紫、熱情桃。隻隻都好夢幻好精緻,同好姐妹一人一隻色岩岩好!

photo via beauty321

唔好以為佢曾係得個樣啊,TR mini鏡頭周圍配置8盞LED燈,另外喺螢幕下方仲配置多1盞燈,照明效果十分強大,亦可以有放透過光影黎打造精雕輪廓或瘦臉等效果!

photo via saydigi

最令人驚喜嘅係,TR mini擁有超過1,000萬種以上嘅美顏設定,其中專屬美顏模式涵蓋自然、自然美白、美白、粉嫩四種美膚效果,並可針對特殊需求與局部進行更細緻嘅修飾,包含平滑肌膚、臉部亮度、臉部立體感、黑眼圈修飾、瘦臉等,並獨家首創除痣功能,極緻細膩表現自然肌膚最完美嘅狀態。

Photo via vogue tw

不過大家留意返,TR mini嘅拍攝畫面係正方形㗎!雖然可能會有少少唔慣,但用ig啊換icon啊就會方便好多啦,如果真係想要長方形都好方便,因為佢有自動傳輸功能,直覺操作就可以即時將相機裡的照片傳輸到手機度啦,到時你想要咩形都可以自己剪啦!

唔知呢部咁女性取向嘅TR mini會唔會又帶起自拍神器嘅新風潮呢?

 

 

0

[應節系列]中秋節點少凡主角 明月美甲好靚啊

中秋節將至,係時候整返款中秋美甲啦!講起中秋節,就一定會諗起又圓又大嘅月光喇,今日小編就為大家整合咗唔同風格嘅滿月美甲,希望可以俾到大家一啲Idea啦!

dinstaPhoto via saron_de_lily

dinstaPhoto via alohana_20120502

dinstaPhoto via __saoryan__

dinstaPhoto via watexnails

dinstaPhoto via sara_ochama_

dinstaPhoto via f.yurie1108
dinstaPhoto via fukipedia
dinstaPhoto via mamamaririn2015
dinstaPhoto via speednail_umeda
dinstaPhoto via cafenail.rie
dinstaPhoto via nailcherie_15420
dinstaPhoto via tsumeiro.nail
dinstaPhoto via maika_supreme
dinstaPhoto via ayupplenail
dinstaPhoto via miwa1212dh
dinstaPhoto via sopo904
dinstaPhoto via ai__nail
dinstaPhoto via yamy_nail
dinstaPhoto via yohknails
dinstaPhoto via a599zu
dinstaPhoto via 56562ht
dinstaPhoto via mr.s_0909
dinstaPhoto via arsky_nail
dinstaPhoto via _kahori_
dinstaPhoto via mikajimbo_bkk
dinstaPhoto via ma_rich_bonita
dinstaPhoto via kai.0211
dinstaPhoto via peekaboo.nail

dinstaPhoto via sorairo325
估唔到圓圓嘅滿係指尖上有甘多變化,就算係要行型格路線都可以handle得到呢!

小編會不斷蒐集同整合美甲圖片俾大家參考,有興趣嘅就去我地網站睇睇喇!

如果你想你嘅靚靚指甲出現係小編推介入面,可以INBOX俾小編咖!

0

CK OBSESSED系列 返樸歸真的味道

OBSESSED帶來滿溢的喜悅,卻又流露雅緻、平衡及現代風格。 結合香氣的回憶和現代的渴望,讓過去的誘惑重現眼前。

Description: Description: C:\Users\candicetsoi.LUXASIA\Desktop\edm layout\CK\Obsessed\CT_CK obsessed_EDM_SOGO 3.jpg

產品介紹

 

OBSESSED FOR WOMEN 東方芳香綠香調

OBSESSED FOR WOMEN 的圖片搜尋結果

前調: 柑橘香調(Sacred Citrus) 橙花油(Neroli Essence) 欖香脂(Elemi)

中調 紫羅蘭葉(Violet Leaf) 白薰衣草(White Lavender) 紫鼠尾草(Purple Sage)

基調 麝香(Musk) 海佛麝香(Helvetolide) 黃葵(Ambrette)  麝香烯酮(Muscenone)

陽剛的薰苔結構,與女性化的溫暖香氣形成對比;香氛以白薰衣草為基礎,再配合柔潤的麝香繚繞肌膚,令香氣更柔美感性。芳香前味與後面順滑柔潤的後味構成張力,進一步探索剛柔之間的對立與平衡。

調香師 Annick Menardo

調香大師 Honorine Blanc

OBSESSED FOR MEN 東方木香琥珀調

OBSESSED FOR MEN的圖片搜尋結果

前調 Oro Blanc西柚(Oro Blanc Grapefruit)  花椒(Sichuan Pepper) 黑荳蔻(Black Cardamom)

中調 雪松葉(Cedar Leaves) 勞丹脂(Labdanum)  以Firnat萃取法的淺色皮革(Firnat Blonde Leather)

基調 廣藿香心(Patchouli Coeur) 黑雲呢拿(Black Vanilla)  超級琥珀(Infusion Amrbox Super)

無法抗拒的黑雲呢拿中心香調,與沉鬱又具立體感的香木築起精密的結構,產生一種遊走於陰柔優美與陽剛力量之間的對比張力。琥珀優雅地突破所有,注入一份既時尚又前衛的氣度。

調香師 Ilias Ermenidis

調香師 Christophe Raynaud

 

CK OBSESSED的圖片搜尋結果

 

瓶身及外盒包裝

化繁為簡,回歸質樸,OBSESSED香氛瓶本身幾乎就是一份回憶。

新的瓶身重塑 OBSESSION 的香氛瓶,讓精練的外形變得更圓潤、更飽滿及完全透明,將所有焦點放在香味喚起的回憶。

雖然此款香氛瓶並不是全新的設計,但瓶子的確從清澈、低調又現代的角度重新詮釋。與此同時,瓶子的造型理念又不缺一份曲線玲瓏的感性魅力。

OBSESSED 是一次向CALVIN KLEIN自己創作並在1985年上市的OBSESSION香氛的致敬,亦是RAF SIMONS為品牌監製的第一支香氛。香氛瓶和外盒包裝,反映了Simons渴望回歸CALVIN KLEIN感性原點、極簡風格及經典香氛的意圖,同時亦宣告新時代的來臨。

OBSESSED 的瓶子、包裝、香味和廣告,都有一種承先啟後的意味,連結起 CALVIN KLEIN 的過去、現在與未來。

 

 

CK OBSESSED的圖片搜尋結果

產品系列

 

OBSESSED For Women

  • 淡香精噴霧 50亳升 HK$665
  • 淡香精噴霧 100亳升 HK$875
  • 沐浴啫喱 200亳升 HK$425
  • 身體潤膚乳液 200亳升 HK$475

OBSESSED For Men

  • 淡香水噴霧 75亳升 HK$510
  • 淡香水噴霧 125亳升 HK$755
  • 洗髮及沐浴啫喱 200亳升 HK$255
  • 鬚後潤膚霜 200亳升 HK$225
  • 止汗香體膏 75克 HK$225

(九月十三日於崇光百貨率先發售, 九月二十日於各銷售點有售)

0

啱你嘅,先係最好!搵到啱用嘅氣墊最重要

你手上嘅Cushion氣墊究竟啱唔啱你? 只考慮保濕度,遮瑕度或透薄度就足夠?選擇Cushion氣墊係需要照顧肌膚喺唔同季節嘅需要!

Find Your Cushion_KV

ETUDE HOUSE作為韓國嘅潮流彩妝品牌,梗係會細心照顧四季及不同肌膚嘅需要,一共推出咗8種氣墊底妝產品。由9月15日至10月1日,喺全線ETUDE HOUSE專門店設有Cushion氣墊體驗活動,幫你揀出啱你嘅Cushion,仲有精彩嘅購物禮遇,千奇唔好錯過呢個大好機會啊!

image004

產品介紹

Any Cushion Color Corrector 4種色調

  • 「調色氣墊」為韓妝必備第一步
  • 4種調色效果選擇分別修正泛紅,改善蒼白,中和暗黃及擊退暗啞
  • 內含深海礦物水可深層補濕,化妝同時修護肌膚

Any Cushion Color Corrector的圖片搜尋結果

Any Cushion Color Corrector $178/補充裝 $88

Any Cushion All Day Perfect介紹

  • 高貼合高遮暇嘅持久氣墊
  • 4種調適合唔同膚色嘅你
  • 專用海綿粉樸令妝感更貼服自然

相關圖片
Any Cushion All Day Perfect SPF50+ PA+++ $188

Real Powder Cushion介紹

  • Real Powder Cushion 採用革命性「液轉粉科技」,當液態粉底接觸臉部時,立即由液體轉換成粉狀質感,打造均勻粉嫩底妝
  • 保濕精華保持肌膚水油平衡,改善肌膚出油情況
  • 細膩粉末高效控制油脂分泌,持久不脫妝、不浮粉、不變色
  • 共有3色選擇 (Light Beige, Natural Beige, Honey Beige
  • 超薄身設計,方便攜帶

real powder cushion etude的圖片搜尋結果

Real Powder Cushion ($188) / 補充裝($98)

AC Clean Up Mild BB Cushion 介紹

  • 專為痘痘肌而設
  • 加入茶樹油及60%保濕精華,護理保濕之餘同時打造無暇妝容
  • 通過非致痘測試,化妝零負擔
  • 3色選擇,迎合不同膚色

AC Clean Up Mild BB Cushion的圖片搜尋結果

AC Clean Up Mild BB Cushion SPF50+/PA+++  $165

Any Cushion Cream Filter介紹

  • Any Cushion Cream Filter水潤美肌氣墊粉餅,被喻為「女神專屬濾鏡」
  • 加入創新特製彈滑高密濾網,壓出適量細滑柔軟粉質,輕易推開不結塊
  • 專為乾性肌膚而設,採用100%深海潔淨礦物水份,促進天然保濕因子增生,令妝容持久保持水感飽滿
  • 共有3色選擇 (Petal, Beige, Sand)

Any Cushion Cream Filter的圖片搜尋結果

Any Cushion Cream Filter ($188) / 補充裝($98)

就甘睇係唔夠嘅,有興趣就快啲去各大門市試試佢啦!

0

專業化妝師教你 隱惡揚善十招搶鏡大法

喺呢個「呃like年代」,人人都機不離手,務求拍出「爆like」靚樣。但曾係識修圖係唔夠架,一唔小心「膠」味太濃就適得其反。想完美「搶fo」?不如執靚自己,時時刻刻以最佳狀態示人,定能輕易突圍成為主角。今次請來本身貪靚亦擅長幫人扮靚的LANEIGE業化妝導師Kirsty Lam,大方公開十個隱惡揚善「搶fo」秘技,絕對值得偷師


1.
光線與企位
酒店、餐廳等公眾地方大多設有射燈,應盡量避免站在光管或射燈下。站在光管或射燈下時,面部嘅陰影會較多,黑眼圈睇上特別顯眼,所以影相時最好遠離射燈。

2.
淺色最穩陣
專業攝影有人負責打燈、拎反光板,但平日causal影相較少準備這些專業用具。淺色衫就可以充當反光板用,有自然打亮肌膚的功效,如果面色麻麻更可以揀pastelpeach系顏色的衣服。今個夏日之選係麻質白色衣服!

3. 
闊面向鏡頭
一般人影相很少會完全正面面向鏡頭,反而會把較細、較上鏡嗰一面面向鏡頭。其實把較闊較大嘅一面面向鏡頭,反而會令塊面望落去較細!

4. 
化妝修輪廓
每個人兩邊面形及五官不一定完全對稱,所以化妝時要留意。如眼較大那一邊,眼線可以輕手少少,眼細嗰邊眼線可以畫粗一點,藉著化妝技巧來平衡面形及輪廓。揀胭脂都要多加留意,LANEIGE新出的Ideal Blush Duo No. 5 Ginger berry上方小麥色可以用作natural shading,搽胭脂同時可以修容。AMOREPACIFIC總公司研究過,藍色tone令面部看上去更有光澤,所以Ideal Blush Duo No. 2 Peach Mint的薄荷綠可以當作光影粉,搽喺骨附近。

5. 
不要亂低頭
很多人都喜歡喺影相嘅時候輕輕低下頭,如果像Kirsty一樣下巴較短,拍攝時再低頭就會容易露出雙下巴。所以唔好亂低頭,反而應坐直或站直身子,頭部輕輕向前移,這樣輕輕昂首的姿態令下巴位線條較靚。另一方面,對著鏡頭時最好深呼吸,因為深呼吸吸氣時身體及眼神會提升,平日可以對鏡多加練習。

6. 
補嘴好重要
繁忙工作又或者吃飯過後,唇膏往往甩掉,要時刻保持「搶fo」最佳狀態,切勿忘記補嘴。最好是選擇較顯色的唇膏,不一定是鮮紅,可以是較自然peach nudepink nudeOLoffice成日冷氣狂吹至嘴唇乾燥,Kirsty推介使用Two Tone Tint Lip Bar,因其加入Lip Sleeping Mask補濕技術,三角形潤唇膏部分亦會隨著體溫變色,能夠潤唇之外又顯色。如果驚唔夠色,可以再用Silk Intense Lipstick #144  #465補色。

7.
亮澤水光肌
時刻保持皮膚光澤富彈性是「搶fo」必殺技之一。個個都強調夏天要控油,好多人以為用乾粉盲可以控油,但切忌太厚粉變「粉樣」。想塑做韓式水光肌,不妨先以LANEIGE新出的Fresh Calming Morning Mask打底,再塗上適量Water Glow Base調亮膚色,最後用BB Cushion完成自然水光妝效。

8.
補妝保光澤
好多女仔出街半日後會忘記補妝,或者因為唔覺得有問題而唔補妝。事實上補妝也有其重要性,特別是眼下三角位如果底妝做得好,望落去皮膚質感會好好多。如不幸甩粉,最重要不是吸油,而是要補粉底,但以乾粉補妝很易出現「cake」粉情況,最好用BB cushion補妝補防曬,易用、補濕又非常方便。

9.
深邃的眼神
韓式彩妝嘅重點往往落喺眼妝同唇妝上,而香港女生一般不太注重眼影,但如果想突出眼部輪廓,透過懾人的眼神「搶fo」,不妨打造深邃眼妝吸引別人目光。Kirsty推薦自然眼妝,不太建議smoky eyes,因為會給人太COOL、有距離感嘅感覺。LANEIGE新推出的Eye Shadow Quad四色眼影組合非常實用,可以塑造自然眼妝,方便調色也可襯衫。

10.
最緊要自信
最緊要係對自己有信心,對住鏡頭自然能散發出耀目光芒﹗

Kirsty’s Suggestions

LANEIGE Silk Intense Lipstick$190/3.5g

 

LANEIGE Two Tone Tint Lip Bar $165/2g

 

LANEIGE Ideal Blush Duo$205/8g

 

LANEIGE Water Glow Base Corrector SPF 41 PA++ $275/35g ()
LANEIGE Fresh Calming Morning Mask $185/80g ()
 

LANEIGE Ideal Shadow Quad $220/6g

0

全球特色廁所 ~透明篇~ 好似會有少少怕醜

早前有人話香港打卡熱點係公廁,但其實全球都有好多好值得打卡嘅公廁熱點,不論你係咪文青都會想去打下卡呢!以下小編就同大家整理咗一系列好受歡迎嘅特色廁所,有機會嘅話不妨去留下你嘅「蹤跡」啦!

 

倫敦 廁所的圖片搜尋結果

呢個單向玻璃廁所位於倫敦,一面去廁所一面見到出面行過嘅人同事物,好刺激!感覺係呢度去廁所好無私隱啊!(雖然出面係睇唔到入面),唔知你又想木想去挑戰吓呢?

瑞士同樣都有破璃廁所,佢位於洛桑市街頭上,同倫敦一樣係走現代金屬風;不同嘅係,佢嘅外牆係液晶玻璃,當你入內使用並按下廁所門鎖上的按鈕時,原本透明的液晶玻璃外牆便會立即形成不透明的霧面,保障你如廁的隱私。但係唔好諗住可以係入面「開party」啊,太耐出黎佢會自動解除霧面效果,到時就尷尬啦。
湖南一景区透明厕所引热议 官方:不会暴露隐私
係湖南長沙石燕湖,就有全透明嘅公廁,由強化玻璃同磨沙玻璃為牆;男女廁之間只係隔咗一塊磨沙玻璃;而且連地板都係玻璃,先唔講私隱問題,畏高嘅人要踏上呢個廁所都要有一定嘅勇氣呢!你又敢唔敢去呢?
 
千葉縣市原市內小湊鐵道飯給車站前有一間廁所,廁所外鑲著玻璃,佔地面積達200㎡。而且在這200㎡的區域內只有這麼一個馬桶,係世界上最寬敞的廁所。呢間廁所雖然真係好透明,但由於佢出門仲有一道門,所以唔怕俾人見到,所以話呢個世界有一種廁所叫人地嘅廁所,就甘單人使用已經大過我屋企啦!
JEJU GLASS TOILET的圖片搜尋結果
JEJU GLASS TOILET的圖片搜尋結果
韓國濟洲有一座玻璃城堡,所以理所當然廁所都係用破璃做啦!呢度係採用深色玻璃作外牆,係入面都唔係好清楚見到出面,出面都見唔到入面,感覺上比較安全。
其實好多地方都仲有好多玻璃廁所,唔知會唔會變成一個趨勢呢?仲有好多形形式式嘅廁所好值得一去架,下次再介紹俾大家!
0

精華油並不油 完美水油黃金比例就靠佢

香港嘅夏天又濕又熱,加上大家成日逗留喺冷氣環境入面,令皮脂分泌同肌膚水分好難保持平衡。有啲人喺夏天忽略補濕步驟,令肌膚比秋冬季節時更乾燥。「水油平衡」就成為夏日肌膚嘅關鍵字。LANEIGE打破夏季甚少推出精華油的定律,推出皇牌系列Water Bank全新成員Double Layering Oil;潤而不膩的護膚精華油透過完美嘅水油黃金比例,令肌膚達致水油平衡,其補濕屏障科技以低溫提煉天然潤膚油,形成天然保護膜從而防止水分流失。


Double Layering Oil獨特嘅水油雙層配方將精華油同皇牌補濕成分Hydro-Ion Mineral Water以黃金比例混和,質感比一般精華油清爽不黏膩。配方將補濕成分送至肌膚底層,於肌膚表層形成鎖水保護膜以防止補濕成分流失。配方萃取自百香花籽、椰子、葡萄籽、堅果籽等植物的天然潤膚油,具高效補濕力,透過獨特科技Moisture-Roof™加速肌膚吸收補濕成分的及形成天然鎖水保護膜,從而鎖緊肌膚水份。

經過漫長夏日,肌膚唔多唔少都會受到傷害,呢個時侯就要修復皮膚。精華油蘊含六種能幫助補濕的礦物質,令Hydro-Ion Mineral Water能夠快速滲透至肌膚內,促進肌膚補充天然補濕因子,補濕同時修復肌底受損細胞。作為補濕系列Water Bank首次推出的精華油,Double Layering Oil的特點是潤而不膩,透過完美的水油黃金比例令肌膚得以達致水油平衡。除了可單獨使用,也可根據以下秘技混合其他產品雙管齊下為肌膚急救。所以就算夏天完結都可以繼續使用。
 

LANEIGE Water Bank Double Layering Oil $255/ 50ml

呢枝精華油有好多搭配方法,可以依唔同情況使用。

當你覺得需要局部保濕嘅時候——化妝棉濕敷

將精華油搖勻,倒約5滴於化妝棉上,將化妝棉敷於特別需要加強補濕嘅部位(例如額頭或臉頰),約10分鐘後將化妝棉移除,並輕輕拍打臉部肌膚幫助吸收餘下嘅精華油。

當你想令疲憊嘅皮膚休息——加Gel Cream營造水嫩感


LANEIGE Water Bank Gel Cream $270/50ml

將精華油及Water Bank Gel Cream以1:2的方式混合,於前額、臉頰及下巴併置以畫圓推開的方式於臉部肌膚均勻塗抹。富有彈力的半透明啫喱狀Water Bank Gel Cream,能迅速被肌膚吸收,其清涼的質感令體貼乾燥而疲憊的肌膚得到休息。

當你想加強保濕——加Essence雙倍補濕

LANEIGE Water Bank Essence_EX $295/ 60ml

將精華油及同系列Water Bank Essence EX以1:2方式混合,於前額、臉頰、下巴以畫圓推開的方式於臉部肌膚均勻塗抹,從而加強補濕效果。

 

0

糧尾唔緊要 飯素陪你等出糧

香港人壓力真係唔係細,經濟麻麻荷包消瘦,近期都聽到好多朋友要慳要蓄錢,小編更加係長期糧尾大代表!食飯呢家野真係一大筆開支,想節流又唔想甘單調?試下用飯素啦!糧尾返工帶飯又得,整飯團又得,撈弼食亦得,撒係烏冬、冷面上面都得架!仲有好多口味添!最緊要係唔貴,有啲仲有公仔添,加添下生活品質!

焼き魚やポップコーンにもかけちゃう!? 海外でふりかけがブームらしい?

Photo source

飯素係日本家庭必備聖品,可以將任何食物變得美味呢!小編日前就去左幾間超市同店舖,發現真係有好多種類,而且大多數都唔貴!

#永谷園 七彩飯素

10403313_890677261051296_8416437729406075859_n.jpg

Photo via Maze Limited

永谷園嘅七彩飯素係撈入熱辣辣嘅白飯之後會溶入白飯之中,形成彩色嘅飯,好睇又好食,食香味俱全,拎黎整野餐便當FIT曬!

IMG_8222.JPG

最後小編想同大家講:糧尾唔可怕,我陪你!小編會努力尋找糧尾小貼士同大家分享,記住要留意我地啦!

 

0

雪花秀新mask幫你煥發青春緊緻光采

經過一個夏日嘅日曬雨淋,肌膚老化效應浮曬上面,唔好以為自己仲後生就大意,其實好多人係十幾廿幾歲已經做好抗老預防措施,甘先可以keep住靚!

唔好睇少夏天嘅日曬啊,加上已經立秋,皮膚會越黎越乾,趁皮膚未老化之前就快啲補救返日曬同風吹嘅修害啦!韓國尊貴護膚品牌雪花秀50年來致力對人參作深入研究,精心鑽研人參從根部到果實各部分嘅抗衰老療癒功效,提煉出煥活肌膚嘅神奇妙方,傳承創辦人徐成煥先生對人參抱持嘅熱情。今年91日隆重推出革命性Concentrated Ginseng Renewing Creamy Mask,融會韓方人參智慧精髓。每一片面膜蘊含嘅人參活顏能量,比Concentrated Ginseng Renewing Cream EX豐饒8倍,深入調和受損肌膚,密集調理煥活彈力,煥發青春緊緻光采。雙層式Double Wrapping Sheet™設計將珍貴活顏精髓盡收其中,深層淡褪肌膚歲月痕跡。

Sulwhasoo - Concentrated Ginseng Renewing Creamy Mask - Moodshot - High Res.jpg

Sulwhasoo Concentrated Ginseng Renewing Creamy Mask $800/5 Sheets

0

油光byebye! 唔係只係洗面就可以去油架

好多人以為密密洗面便可順利去除夏天出油問題,其實咁樣只會越洗越油。都有啲人為咗避免油光滿臉,洗完面之後只敢搽上toner或控油產品就算。但其實洗面過多只會令面上水分蒸發,繼而令皮膚變得更乾,更容易出油。

油光滿面 夏天的圖片搜尋結果

即使是在夏季,搽咗toner或控油產品之後,應該跟手搽上一層薄薄嘅補濕乳液或者補濕霜,將水分鎖住,令肌膚保持水嫩彈性。簡單啲講,控油嘅關鍵係保證皮膚得到充足水分﹗好多韓國品牌係夏天都會推出夏日啱用嘅產品,可以幫你夏天控油保濕,油光BYEBYE!

LANEIGE嘅Mini Pore系列 配方包含Pore Refining™專利淨緻毛孔成分蘊含松樹針葉精華及扁柏精華,有效調理肌膚至水油平衡狀態,同時鎮靜及紓緩肌膚,適合夏天使用。薄荷精華為肌膚注入水分並於表面築起補濕屏障,鎮靜肌膚同時補水抗炎。呢個系列包含3款產品,當中2-Step黑頭淨緻組合能溫和去除油脂黑頭。Step 1 熱感啫喱溶解毛孔內黑頭及頑固油脂,Step 2  當中嘅可可核桃泥可以吸附及帶走已溶解的黑頭和油脂,核桃皮更能去除老化角質死皮,達致深層潔淨的功效。

LANEIGE Mini Pore Double Clearing Cleansing Foam $120/150ml
LANEIGE Mini Pore Single Drop Skin Relief $110/15ml
LANEIGE Mini Pore Heating & Clean Duo $145/15ml x2

肌膚於夏日長時間暴露在太陽光下,皮膚表層會因新陳代謝而積聚過多老廢角質,因而造成肌膚粗糙暗啞等問題。呢個時候,可以借助雪花秀玉容面膜來去除角質,撕除式面膜促進肌膚淨透再生,天然草本清香帶來紓緩感受。面膜蘊含幼滑的玉竹粉、優質蜂蜜同金銀花,令肌膚重現明淨透亮,有效淨肌及去除角質。加上佢嘅主要成份滋陰丹及滋陰補衛丹以「蜜炙法」煉製而成,令養份能迅速滲透肌膚底層,加倍療效。而具有清熱鎮痛、促進排毒等功效的蜂蜜,則可幫助提升其他素材的藥理效果。配合埋匯聚松木、甘草、川芎和當歸等能撫慰心神的天然芳香,為肌膚帶來鬆弛的享受。

Sulwhasoo Clarifying Mask EX $280/150ml


夏日天氣炎熱,人體嘅排汗量都會增加,肌膚水分大量流失,加上採用各式控油產品次後,皮膚更不知不覺地變得缺水。AMOREPACIFIC的補濕活膚面霜透過獨創技術Self-Transforming Technology™有效提升肌膚補濕循環,獨家科研配方5-Hydra Complex™可促進補濕功效,提高肌膚鎖水能力,令肌膚水潤柔嫩,締造健康明亮膚色。

AMOREPACIFIC MOISTURE BOUND Rejuvenating Creme $750/ 50ml

0

阿根廷扒房推出特色海鹽焦糖月餅

扒房Gaucho今年搞搞新意思,首次推出月餅同大家歡渡中秋,佢地將店內招牌嘅海鹽焦糖芝士蛋糕配合傳統中式材料做成一個個可口嘅月餅。海鹽焦糖同蓮蓉、雞蛋及金黃糖漿等材料嘅搭配非常新鮮,有機會成為店內另一個經典。

  

海鹽焦糖月餅以四件為一禮盒,售價為HK$288,非常好意頭。

訂購詳情:

海鹽焦糖月餅禮盒及月餅禮券現已接受預訂,顧客必須於取貨前兩天透過電話或電郵預訂並親身前往餐廳付款,換領日期由 即日至10月5日。

0

為透視正名 露肉不低俗

上次同大家分享過係海邊可以著透視花裙做仙氣女神,其實著出街都一樣得!邊個話透視一定係低俗,性感都可以同氣質、型格掛勾,大家可以挑戰吓啊!

 

sheer floral maxi的圖片搜尋結果photo via Topshop

sheer floral maxi的圖片搜尋結果photo via Lollicouture.com

花花透視長裙 X 氣質路線

本身全身著住花花已經好易令人同仙氣掛勾,加上長裙飄飄、薄紗飛飛,俾人一種仙氣嘅感覺,如果怕太曝露可以著返條同色系內搭;不過留意返呢種搭配要注意要有精神得黎又透薄嘅妝容,如果唔係好易變得低俗。

How to curate your wardrobe this weekend without spending too much money photo via refinery29

Prettiest Tea Dress With Beautiful Embroidered Flowers make a lovely and charming spring statement in pinks! Sequins add shimmer and sparkle and delicate white lace completes the sheer, feminine, flirty look. Pair with delicate accessories like this YSL purse and gold watch. : Paper Duchesses Style Guidesphoto via paperduchesses

LOVE this from ASOS!photo via ASOS

花花透視短裙 X 乖巧可愛

記唔記得細細個著嘅碎花裙?有冇少少懷念呢?只要將材料換成薄紗,加條底裙,細個著嘅design重現係身上一啲都唔突兀,仲增添一分小女人嘅味道。

Shop Maxi Dresses - Black Crew Neck Floral Elegant Maxi Dress online. Discover unique designers fashion at StyleWe.com.photo via StyleWe

long toledo dress - temperley london... WOWphoto via temperley london

Vestido estampado Primavera Verano 2016                                                                                                                                                                                 Másphoto via orientpalms

黑底花花透視 X 成熟大方

花花都可以好elegant,黑底本身就有穩重嘅感覺,加上彩色刺繡花花,唔止增添唔少韻味,仲可以令整體睇落冇咁沉悶,成熟得體之餘仲唔會顯老;展現成熟性感之餘,又唔會流於低俗。

Embroidered Black Sheer Maxi Dress By Dallastyle Blogphoto via dallastyleblog

Black Rose Embroidered Cover Up Mesh Topphoto via shein

joefsfphoto via shein

Embroidered floral plumetis blouse - Ruffles - Bershka Albaniaphoto via Bershka

 

花花透視罩裙 X 街頭型格

只要展視出足夠嘅街頭感,透視同型格一啲都唔會衝突。百搭嘅牛仔同佢就最夾啦,無論束入高腰短裙入面或者罩係長褲嘅出面都一樣型格十足;另一件搭配神器就係黑色bralette,老實講,露肉又要露胸真係好危險,bralette咁岩就可以減少胸部份量,仲好潮添!

透視裝近排真係大行其道,仲唔快D跟緊潮流嘅腳步,大膽嘗試吓啦!

 

0

沙灘著乜好 性感透視遮肉花花裙

夏天已經過咗一半啦,唔知你地有冇去海邊玩呢?最近歐美吹起一股透視花花風,好靚啊!不過呢股風潮對我地黎講可能太性感啦,所以著去海邊或者去旅行就岩岩好啦!

dinstaphoto via fashions.good

Valentino at Paris Fashion Week Spring 2017photo via sofiazchoice

dinstaphoto via farfallinabella28

唔好覺得呢種透視好難carry,其實簡簡單單係入面著返套泳衣就可以啦,如果有小肚肚嘅問題,揀高腰設計嘅泳衣就可以有效修飾啦!

Boohoo | Boohoo Embroidered Mesh Sheer Maxi Dress at Asosphoto via asos

ORCHID MAXI DRESS – For Love & Lemonsphoto via For Love & Lemons

ORCHID MAXI DRESS – For Love & Lemons | Rehearsal Dinner Dressphoto via For Love & Lemons

呢種設計大多都都以黑白色為主,而底色最好都用返黑白或者膚色做搭配。肌膚若隱若現咁,性感得黎又有仙氣,仲可以修飾身材添!

The Best Street Style From Coachella  - ELLE.comphoto via elle

B U T T E R F L Y : Фотоphoto via svetlabutterfly

ASOS | ASOS SALON Embellished Bird Floral Maxi Dressphoto via asos

如果真係怕醜,可以內搭連身衣/泳衣,效果都非常好。而且黑色連身泳衣仲好易著出氣場感,想試下水溫嘅人可以以呢種款入門。

sheer floral maxi的圖片搜尋結果photo via aliexpress

.Ana Rosa.      tphoto via ana-rosa

You're sure to have a magical day when you're wearing the Fine and Dandelion Grey Floral Print Romper! Grey woven poly, with a yellow and purple floral print, sweeps across a surplice bodice and long sleeves with tying cuffs. Sheer maxi skirt, with front slit, tops tailored shorts. Back keyhole with top button closure. Hidden back zipper.photo via Lulus

當然,你亦都可以著返以上呢種少少透視嘅紗裙,唔止夠曬保守,仲可以防曬添!留意返今年如果想著呢類花花裙,最好揀返露腿嘅設計,甘就可以拉長成個人嘅比例,唔怕著到變大媽啦!

如果你想試下著花花透視裝出街,就要密切留意住我地下一篇嘅介紹啦,趁夏天未完可以好好嘗試一下呢!

0

仙氣夢幻花花珍寶珠 靚到唔捨得食啊!

珍寶珠係好多人小時候嘅回憶,有冇諗過珍寶珠形狀嘅波板糖可以變身超夢幻仙氣甜食?日本一位甜點師Asami Kobayashi就成功將花花同糖果結合,整成一支支超夢幻又有層次感嘅波板糖!甜美嘅造型令人愛不釋手呢!

dinstaAll image via Asami Kobayashi

登登!就係呢啲一支支嘅珍寶珠,擄獲咗大量女仔嘅尖叫聲,係咪好夢幻呢!?其實啲並唔係糖黎,而係由啫喱制成嘅偽‧珍寶珠。

dinsta

甜點師Asami Kobayashi以巧手將盛開嘅花朵放係啫喱中間、插上色彩繽紛嘅棒棒,成為一枝枝零死角嘅仙界珍寶珠。無論係單枝定多枝影落去都超好睇,整得咁靚,點捨得放入口啊?

dinsta

dinsta

dinsta

唔捨得食唔緊要,有無諗過學下整呢?其實Asami Kobayashi係日本係有開班授課,佢ig上面有好多都係學生嘅作品;識得日文嘅朋友去開日本可以嘗試一下,話唔定你嘅作品都會出現係佢嘅ig上面咖!

dinsta

dinsta

除咗透明波波,Asami Kobayashi仲有教做真正花朵造型同水彩款嘅偽‧珍寶珠,全部都好睇又好食,如果想睇多啲Asami Kobayashi嘅作品,可以去佢ig睇吓,仲有好多唔同類型嘅花朵單品添,睇完真係好想擁有啊!

Instagram: Asami Kobayashi

0

拍住上! Cushion急救方程式

快靚正嘅Cushion粉底一面世旋就成為現代女性嘅扮靚恩物。喺正常情況下,簡簡單單一個Cushion粉底已經可以搞掂底妝!然而凡事總有例外,個個人都會有皮膚狀態偶不佳嘅時刻,好似夏天皮膚油脂分泌較旺盛,特別容易出痘痘暗粒……呢啲時候,除了靠Cushion粉底,可能需要借助其他小道具幫手,輕鬆搞掂夏日底妝!



如果你要遮蓋瑕疵

LANEIGE 氣墊粉底 X 遮瑕筆
如果有暗瘡印、雀斑等等問題,可先以遮瑕筆遮蓋瑕疵。氣墊遮瑕筆具保濕功效且易於使用,對於化妝新手來說亦十分簡單易用。遮蓋瑕疵後再以蘊含Hydro Ion Mineral Water的啞緻清爽BB Cushion上妝,其極細柔滑粉末粒子能高效遮蓋粗大毛孔,透薄質地有效打造清新舒適的自然底妝。


LANEIGE BB Cushion_Pore Control SPF50+PA+++ HK$270 / 15g x 2

LANEIGE Watery Cushion Concealer SPF 35 PA++ HK$185/2.5ml

如果你有出油問題:

Sulwhasoo氣墊粉底 X煥顏粉餅  
成日聽人講想擁有韓式水光肌,即係韓劇女主角面上常見的無暇飽滿、散發水亮光澤膚﹗不過唔係人人都迷戀水光肌,都會有人偏愛啞緻妝容,謝絕「閃令令」的水光肌。喜歡啞緻妝容又喜歡用Cushion粉底嘅話,不妨先以蘊含珍貴韓方亮白成分嘅Perfecting Cushion Brightening打底,其質感水漾透薄,既清爽又能鎖緊油分系統以平衡多餘油脂。其後再以加入珍珠粉亮色澤,有效均勻膚色的尊貴煥顏粉餅輕掃全面,締造啞緻妝效。


Sulwhasoo Perfecting Cushion Brightening SPF50+/ PA+++ $460/ 15g x 2

Sulwhasoo Time Treasure Radiance Powder Foundation $730/ 13.5g

如果你有毛孔問題
AMOREPACIFIC 氣墊粉底 X 柔亮底霜
毛孔粗大係唔少人面對嘅皮膚難題,不妨先塗上可細緻修飾肌膚紋理、為肌膚打好基礎嘅柔亮底霜,當中嘅Skin Bright-Filling System可巧妙修飾肌膚紋理同瑕疵,令肌膚更柔滑均勻。打好底後,再以全球首個運用Even-layer Protective Technology™嘅革命性氣墊粉底Anti-Aging Color Control Cushion輕印全面,完美修飾肌膚紋理,呈現緊緻細滑肌膚


AMOREPACIFIC ANTI-AGING COLOR CONTROL CUSHION SPF 50+/PA+++ $540/ 15g x 2

AMOREPACIFIC PERFECTION BLOOM NATURAL FINISH BASE PRIMER SPF 20/PA++ $430/ 30ml

0

AMOREPACIFIC淨透活肌昇華原液 濕敷救膚教學

韓國尊貴品牌AMOREPACIFIC岩岩推出蘊含珍貴兒茶素嘅淨透活肌昇華原液,透過激活肌膚抗氧化基因而淨化三大肌膚老化成因,從而分解導致肌膚衰老的物質,達致減齡效果。其實質感清爽水潤嘅的淨透活肌昇華原液仲可以做成面膜!濕敷可以軟化角質,幫助後續保養品嘅精華成分更滲入肌膚。難得遇上如爽膚水般清爽卻如精華液般滋潤嘅活膚之水,自然要好好善用



淨透活肌昇華原液以濟州島道順茶園出產嘅綠茶天然發酵,五十日後會被放入濟州傳統陶甕中,再進行五十嘅天然熟成。歷經一百日天然發酵與熟成後,綠茶便會重生為擁有珍貴兒茶素成分嘅Vintage Tea Leaf™,其強大的抗氧化效能可讓肌膚重拾生機與活力。加上原液利用專利配方Single Extract Formula™以完整保留Vintage Green Tea™內嘅活性成分。透過專利萃取技術Full Body Extraction™,以24小時完整提煉成純淨綠茶昇華原液。

AMOREPACIFIC - Vintage Single Extract Essence  (2).jpg
而且佢仲蘊含珍貴兒茶素,可激活肌膚抗氧化基因,淨化三大肌膚老化成因,分解導致肌膚衰老的物質,達致減齡效果。同時淨化令皮膚變得粗糙嘅自由基及膠原蛋白分解酶,從而改善肌膚粗糙質感及去除晦暗泛黃膚色,令肌膚回復彈性。

濕敷STEPS

  • 先將適量淨透活肌昇華原液倒出,置於已洗淨器皿中。把化妝棉慢慢浸進原液中,待化妝棉全濕後拿起,敷在需要加強保濕部位。
  • 可把臉分成三大區塊,T zone、兩頰以及下巴位置。在濕敷時候,額頭、鼻子、兩頰、下巴各一張化妝棉,亦可根據臉形大小以及化妝棉大小來調整,自己動手裁剪合臉形的尺寸。

 濕敷TIPS!

  • 濕敷直接接觸皮膚,所以最好挑選性質較溫和爽膚水或保濕液。
  • 濕敷時間最好是5分鐘,敷面時間太長反而會令肌膚水分蒸發。
  • 由於顴骨位置較面部其他部位突出,同時受光面積也較大,所以較容易接觸到紫外線。不妨在曬後為左右兩邊顴骨位置各敷一片沾上爽膚水化妝棉,紓緩曬後肌膚同時抗老化

AMOREPACIFIC - Vintage Single Extract Essence  (1).jpgAMOREPACIFIC VINTAGE SINGLE EXTRACT ESSENCE  淨透活肌昇華原液 $1,020/120ml

0

全新質感組合! LANEIGE Ideal Blush Duo透亮雙色胭脂

今個夏天,LANEIGE隆重推出Ideal Blush Duo透亮雙色胭脂,佢集胭脂光影同修容功效於一身,更兼備幼滑粉粒高顯色度嘅雙重優勢。透過獨有專利技術Special Grinding Technology研製透薄幼細嘅胭脂粉質,令肌膚展現健康氣息。與此同時,持久配方仲抗汗抗油,幫你係夏天Hold住全日彩妝。

Ideal Blush Duo透亮雙色胭脂嚴選四款雙色調,唔同色彩組合突出唔妝感,無論是薄荷綠 蜜桃粉紅淡粉紅x粉橙珠光淡金 x 珊瑚橙小麥色 x 莓紅色,同樣拼湊出不一樣嘅色彩對比。

No.2 Peach Mint

No.3 Juicy Rose

No.4 California Coral

No.5 Ginger Berry

Ideal Blush Duo透亮雙色胭脂以獨特技術Special Grinding Technology研製出極緻幼滑粉粒。高透光度粉粒令胭脂妝效透薄自然,讓肌膚展現健康氣息。加上Crosslinking Binder System‎ 令粉粒均衡緊貼肌膚,減少飛粉情況,輕輕一抹就帶出自然色調。配合全新包裝設計以白色方形磁石盒配合玫瑰金邊框及品牌標誌,設計時尚簡約,內外兼備。

LANEIGE Ideal Blush Duo_No5 Ginger Berry.jpg

LANEIGE 
Ideal Blush Duo 透亮雙色胭脂 $205 / 8g 

0

識得揀,一定係揀雪花秀皇牌氣墊粉底

好多人話「做人最緊要有得揀」,但係當選擇放喺你面前,係唔係真係識得揀?又有好多人話「識得揀,一定揀乜乜乜」咁點先算識得揀?小編就認為「識得揀」最緊要。

韓國護膚品牌雪花秀備有三款針對不同需要而設嘅氣墊粉底務求透過唔同嘅珍貴成分幫助女生塑造光感裸妝,但最重要都係要「識得揀」!以下係呢3款氣墊粉底嘅小錦囊,睇下自己嘅膚質、追求嘅功效同妝效,就可以揀到最岩自己嘅雪花秀氣墊粉底。

雪花秀Cushion概覽

Perfecting Cushion $400/ 15g x 2 Perfecting Cushion Brightening $430/15g x 2 Perfecting Cushion Intense $540/15g x 2
功能 完美遮瑕 / 抗紫外線(SPF50+ PA+++) 美白 / 抗紫外線(SPF50+ PA+++) 緊緻補濕 / 抗皺 / 抗紫外線(SPF50+ PA+++)
效果 無瑕

水嫩

緊緻

均勻膚色

亮白

清透

高度補濕

延緩老化(緊緻提升+抗氧化)

滋養

主要成分 .杏核油複合物:預防膠原蛋白衰退

.滋陰丹™:雪花秀經典核心成分,配合梅花萃取物加強對抗氧化

.白參精萃:去黃除暗啞

.玉蘭萃取物:抑制黑色素形成

.珍珠貝母複合物:折射柔亮光線,瞬間提亮膚色

.赤松精華:煥發緊緻柔嫩青春光采

.梅花萃取物:對抗氧化

.珠光亮采複合物:青春光采

.滋陰丹™:雪花秀經典核心成分,配合梅花萃取物加強對抗氧化

遮瑕度 高度 透薄至中等 中等至高度
持久度 ★★★★★ ★★★★☆ ★★★★☆
光澤度 ★★★☆☆ ★★★★★ ★★★★☆
色調 5 6 6
適合膚質 中性 / 乾性 油性 / 中性 乾燥缺水肌膚
適合顧客 追求補濕遮瑕 追求亮白透薄 追求修護緊緻

 



現時
雪花秀香港專門店售賣嘅三款氣墊粉底,分別係 (上圖左至右) 雪花秀首款氣墊粉底Perfecting Cushion、加入珍貴白參成分嘅Perfecting Cushion Brightening,同埋16年推出、含珍罕赤松精華嘅Perfecting Cushion Intense

Perfecting Cushion
($400/ 15g x 2,圖左)米白色嘅粉盒繞以光滑流麗嘅金邊,包裝典雅﹔純淨簡潔如白瓷般嘅材質,盡顯韓式美容哲學。
Perfecting Cushion Brightening ($430/15g x 2,圖中)以白色為主調盒面綴以如珍珠貝母切割面嘅圖案,設計純淨優雅。
Perfecting Cushion IntensePerfecting Cushion Intense $540/15g x 2,圖右)配以華麗設計,粉盒外形與質感均仿照韓國傳統黃銅餐具器皿,採用深棕配以亮金色澤,密封粉底的保護膜更細緻綴以梅花圖案,展現華貴氣派。

 

 

 

0

李聖經戰勝閨蜜秘技 LANEIGE幫你出絕招

「不要低頭光環會掉下來,你是女神,不要為俗眼收斂色彩……」
舊年欣宜憑一曲<女神唱出女人心, 道出「因有自信,所以美麗」嘅女神之道。無奈係現實世界,世俗人嘅眼光往往令人難以不低頭。最近韓國人氣女神李聖經拍咗一系列護膚品廣告,由於內容勁貼地,引來韓妹們嘅共鳴及迴響﹗睇過呢一系列廣告未?如果未,快D睇吓一枝Fresh Calming Morning Mask點樣可以令女神來回地獄又折返人間,自信返埋嚟﹗



自信滿滿現身

放假梗係約埋幾個閏蜜去café坐吓,最早到嘅聖經妹拎個LANEIGE BB  Cushion出來補補妝,轉眼見到朋友即召喚selfie



天堂步向地獄﹗

合照完大家都好滿意,close up望真,原來眼紋、眼袋、肌膚瑕疵等出晒嚟,呢個時候聖經妹表現得極為尷尬……



地獄迷網徘徊﹗

睇真啲,原來唔止眼周肌膚出事,面部肌膚乾燥加鼻出油,不在狀態的混合性肌膚令自信急降,加上同行友人狀態大勇,不是味兒的聖經妹可以點做?



救星打救女神﹗

其中一個方法就係衝番屋企急救肌膚LANEIGE新出嘅Fresh Calming Morning Mask可以迅間鎮靜及滋潤肌膚,輕輕一按唧出綿密泡泡,再於臉上輕輕搓揉待其變成液體狀態待肌膚吸收。
搞掂﹗自信回歸,即翻兜再約朋友high-tea

Zoom In

輕輕一按唧出綿密泡泡,塗上皮膚表面輕輕搓揉即變成液體狀態,待肌膚慢慢吸收。



LANEIGE Fresh Calming Morning Mask $185/80g

l   免洗泡沬面膜讓肌膚快速吸收滋養成分,空氣泡沬質地使用後無需潔面,可即時上妝。

l   獨有Skin Equalizing™平衡水嫩紓緩科技,配合天然荔枝精華及泛醇,有效紓緩肌膚

l   夏天可放入冰箱冷藏後使用,敷起來具冰鎮消暑之效。

0

荔枝可以下火?LANEIGE 荔枝水嫩紓緩系列

一把荔枝三把火,但對於皮膚,就唔可以一概而論啦!夏日護膚,最講究清爽輕盈,全新LANEIGE荔枝水嫩紓緩系列強調清爽補濕,配方蘊含天然荔枝精華及深海補濕精華,強化補濕屏障以及將補濕效果推進肌底,同時鎮靜肌膚、紓緩敏感。加上不含礦物油、動物成分、合成顏料等化學物料,以及通過過敏測試,自然是夏日必備的清爽補濕之選。

LANEIGE Fresh Calming Line.JPG

呢個系列請黎李聖經做代言,想皮膚好似佢甘水嫩?就要試下啦!

LANEIGE_Fresh Calming.jpg

呢個系列有4大賣點,分別係:

天然荔枝精華︰萃取自馬達加斯加荔枝,蘊含多酚成分,高效抗氧,增強肌膚免疫力。
平衡水嫩科技︰獨有Skin Equalizing ™能控制肌膚刺激物嘅產生,從根本紓緩肌膚。
深海補濕精華︰提取自水溫長年維持零下兩度嘅深海,製造天然補濕因子令肌膚紓緩抗敏。
甜美時尚設計︰樽身採用漸變粉紅色設計,甜美而簡約,展現夏日清新感覺。

因為咁樣,呢個系列大受韓妹熱捧!唔少韓妹都係Instagram大讚其功效啊!加上包裝可愛味道討好,真係好吸引人啊!

熱遍韓妹IG (1)熱遍韓妹IG (2)熱遍韓妹IG (3)熱遍韓妹IG (4)熱遍韓妹IG (5)熱遍韓妹IG (6)

唔好再以為荔枝只有熱氣啦,改一改變用途,就係你夏天護膚恩物啦!

LANEIGE_Fresh Calming Morning Mask.jpg
Fresh Calming Morning Mask $185/80g
免洗型泡沬面膜讓肌膚快速吸收滋養成分。
空氣泡沬質地使用後無需潔面,可即時上妝,方便易用。
獨有平衡水嫩紓緩科技Skin Equalizing™,配合天然荔枝精華及泛醇,有效紓緩肌膚。
夏天可放入冰箱冷藏後使用,敷起來冰爽感覺有冰鎮消暑之效。

LANEIGE_Fresh Calming Gel Cleanser.jpg

Fresh Calming Gel Cleanser $145/230ml

潔面啫喱能去除肌膚多餘老化角質及油脂,為肌膚提供水分。
不含礦物油、動物成分、合成顏料與活性劑,通過皮膚科測試,成分溫和適合每天使用
天然荔枝成分高效抗氧,提升免疫力,同時紓緩嬌弱肌膚。

LANEIGE_Fresh Calming Toner.jpg

Fresh Calming Toner 190/250ml
簡單配方只含10種成份,通過過敏測試,減輕肌膚負擔。
深海補濕精華能強化肌膚自身防護屏障。
獨有Skin Equalizing™平衡水嫩紓緩科技,有效紓緩肌膚,使肌膚保持健康的平衡狀態。

LANEIGE_Fresh Calming Serum.jpg

Fresh Calming Serum $235/80ml
啫喱質感能被肌膚輕易吸收,達致補水和鎖水效果。
天然荔枝成分發揮高效抗氧及紓緩功效。
深海補濕精華能強化肌膚水分屏障,溫和地呵護肌膚。

0

雪花秀限量套裝登陸香港!

雪花秀嘅蜜粉一直以黎都好有口碑,但自從2012年後,雪花秀香港專門店就冇再引入蜜粉,不少粉絲們需遠赴首爾撲「粉」。最近Lumitouch Powder 藝瑞蜜粉終於載譽回歸啦,仲係同\叫好又叫座嘅氣墊粉底組成限量優惠套裝添,非常抵買,機會難得﹗咁難能可貴的機會,點可以唔珍惜?

Sulwhasoo Lumitouch Powder (1)
幼細粉末打造自然亮麗膚色
香港天氣又濕又焗,藝瑞蜜粉嘅透明折射光線粉末柔滑幼細,可以均勻緊貼肌膚、折射光線、修飾肌膚瑕疵,展現柔滑透亮膚色,岩曬香港女仕使用。

Sulwhasoo Lumitouch Powder (2)
結合韓方智慧,簡單易
藝瑞蜜粉配方結合韓方智慧,蘊含梅子精萃及榆樹精華,令肌膚保持水潤,塑造明亮貼服的妝容。

Sulwhasoo Lumitouch Powder (3)
用法:使用底霜或塗上粉底後,用粉撲取適量蜜粉於全臉印上薄薄一層即可。

 
Radiance Base Makeup Set $770/800/910 (限量套裝)
-Perfecting Cushion/ Perfecting Cushion Brightening/ Perfecting Cushion Intense 15g x2
-Korea-exclusive Lumitouch Powder 20g (No.21 Natural Beige/ No.23 True Beige)
-Hydro-aid Moisturising Smoothing Mist 30ml
-First Care Activating Serum 8ml
-Korea-exclusive Herbal Soap 25g
發售日期︰2017630日至831

0

清新格紋美甲 日日都元氣滿滿

小編之前同大家介紹過今年非常之流行嘅Gingham元素,但其實除左著佢上身,亦同樣可以畫係指甲上面,令人日日見到都有好心情呢!今次小編同樣精選咗10款Gingham美甲,等你清新愉快咁過每一日!

dinstaPhoto via annacadabra_
dinstaPhoto via wndy3
dinstaPhoto via kayleighjeana
dinstaPhoto via jamminwithphoebe
dinstaPhoto via hammerandnails_
dinstaPhoto via lorrainehauger
dinstaPhoto via jennahipp
dinstaPhoto via msrachburgh
dinstaPhoto via 10thstorynails
dinstaPhoto via mpnails

睇完有冇想去野餐嘅衝動呢!唔知點解呢種格紋真係好有魔力,令人身心舒暢呢!

小編會不斷蒐集同整合美甲圖片俾大家參考,有興趣嘅就去我地網站睇睇喇!

如果你想你嘅靚靚指甲出現係小編推介入面,可以INBOX俾小編咖!

0

野餐布著上身?識著一定係著餐布格仔

唔知今年大家有冇去過野餐呢?小編由細到大都好喜歡野餐布上面嘅格紋﹔而今年,小編終於將佢——Gingham著上身啦!紅白格、黃白格、藍白格甚至黑白格都大受時尚人仕喜愛,仲笑人地著餐布出街?我怕你俾人笑返轉頭啊!等我地一齊睇下有咩靚靚Gingham單品。

Photo via sohu.com

Gingham俾人感覺非常之清新,就好似去郊遊嘅感覺,俾一活潑、可愛、放鬆嘅感覺﹔繽紛嘅顏色仲好治癒,著上身感覺空氣都清新啲啊!

這樣的格紋衫,隨便一穿都很美!Photo via 102like.com

Gingham嘅重點係一定要有白色搭配,無白色就唔係Gingham格紋啦!白色真係好白搭,無論同咩色搭配都可以呢!而且今年Gingham係各大品牌都出場率極高,認住佢黎買啦!

1967photo via s-media-cache

其實早係上世紀五、六十年代,Gingham已經流行過架啦,著上佢青春洋溢,簡直就係少女必需品!所以話,女人買衫真係唔岩得,想當初婆婆如果買左件靚衫,話唔定真係可以俾返個孫著返架!

gingham celebrity的圖片搜尋結果Photo via Fashion Bomb daily

Sarah Jessica Parker、 Rihanna、Ashley Madekwe同Leigh-Ann Pinnock都紛紛著上Gingham,不論深色淺色、大格細格、疏定係密,只要著左上身就係時尚代言人。

dinstaPhoto via bs_closetboutique
dinstaPhoto via retroviolette

小編個人就偏好紅白同藍白配色,成件事好夏日好開心,想CHIC可以揀今年一定要有嘅露膊款﹔想復古就可以揀高腰款,長褲短裙乜都得架!

dinstaPhoto via vivienofholloway
dinstaPhoto via hernattiness
dinstaPhoto via aloprofile

Gingham真係好百搭,只要著上身去邊度都有一種去旅行享受人生嘅感覺,真係好岩日日都返工返到放唔到工嘅小編用黎調劑一吓啊!唔知你又需唔需要呢?

0

每個女性都要入手一條小黑裙

每個女仔係每一季嘅衣櫥都要準備一條小黑裙已經係常識,世界上第一條小黑裙由可可.香奈兒於1926年設計。點解小黑裙係過咗差唔多100年嘅今日依然歷久不衰?今日小編就同大家分析一下。

first little black dress的圖片搜尋結果photo via Nasha Bendes - blogger

係COCO CHANEL嘅年代,小黑裙係優雅嘅代名詞,隨住一代又一代女星嘅喜愛同演繹,小黑裙慢慢變成每個女仔必備嘅一個經典單品。佢見証著COCO CHANEL嘅輝煌年代,亦都將佢嘅優雅傳承至今。

Schedule your FIX now!! Try the best clothing subscription box ever! October 2016 work outfit Inspiration photos for stitch fix. Only $20! Sign up now! Just click the pic...You can use these pins to help your stylist better understand your personal sense of style. #Stitchfix #SponsoredPhoto via fashionsgirl.com

點解黑色呢個咁嚴肅甚至冷冰冰嘅顏色會成為優雅嘅代名詞呢?Dior講過,優雅係由高貴、自然、細緻同簡約構成嘅混合體。而黑色正正就放棄左一切繁華嘅色彩,達到簡單舒服嘅優雅。

Let's go party Babe! Free shipping Now! This classic LBD is detailed with halter, back zipper&two-layer pleated skirt! Catch all those eyes with Cupshe.comPhoto via Cupshe

時至今日,小黑裙已經不斷改版進化,但始終最好嘅設計都離唔開高貴、自然、細緻同簡單呢四組形容詞,就好似奧黛利‧赫本最經典嘅小黑裙一樣,永不過時。

圖片搜尋結果photo via thefashiontag.com

高貴係指矜持而又知性地將身材嘅曼妙恰到好處咁去展現出黎,唔會令人覺得低俗,亦都唔會令人感到保守。

Have this (don't look like this in it) - perfect neck and hemline - too bad I have to cover it with a cardigan!Photo via Shopbop

自然係放棄誇張做作嘅設計,還原人體嘅身材同輪廓‧﹔同時又可以考妙地修飾身材,好考驗設計師嘅功力。

I love this off the shoulder dress on her. And her body though #goalsPhoto via KOOGAL Fashion

細緻當然就係指質地嘅品質同做工係咪精良,仲有好嘅剪裁先可以令成個人因為條裙而加分。

This thick stretch knit dress has a fitted bodice with a deep V-neckline (and hidden V bar), plus a fitted midi length skirt for a look of style and elegance. Double straps on the back give this dress an open feel while princess seams at front give it an extra feminine touch. #lovelulusPhoto via Lulus

簡單係放棄或者少用裝飾,以設計剪裁去取勝先係合格嘅小黑裙。

Buy online Women's Babe Cute Backless Dress from zefinka.com!Photo via ZEFINKASTORE

當你明白小黑裙嘅真諦之後,就可以以自己身型去揀返合適自己嘅剪裁設計,小編保証小黑裙一定會有岩你嘅一條,經典并非一朝一夕就可以達到。你搵到岩自嘅小黑裙未啊?\

 

0

去海邊就要整貝殼風指彩 夢幻渡假風大流行!

唔知今年你地有冇去海邊玩呢?小編就未去啦,唔知點解次次小編放假都落雨嘅陰公豬,但小編就成日都見到朋友係IG、Facebook上曬陽光與海灘,真係好羨慕好想去啊!講返正題先,因為夏天正式殺到埋黎,同時理所當然好多女仔手上都換上一片夏日指彩,最近日本嘅女仔就好流行將幻彩貝殼畫係指甲上面,又真係好靚好夢幻,小編今次同樣整理咗10款指彩,一齊黎睇下啦!

dinstaPhoto via manabu.kumakura

dinstaPhoto via maaaaaar1

dinstaPhoto via nailland_wakana1

dinstaPhoto via fairynail.ayu

dinstaPhoto via coffret_a_bijoux._nail

dinstaPhoto via ei_chan_jenny

dinstaPhoto via sloth.zzz

dinstaPhoto via ri14na

dinstaPhoto via nico_oshika

dinstaPhoto via trunail

無論係白色、粉彩色定藍色都好岩做呢一款指彩,如果怕太花可以只係整其中一隻手指搭配都唔錯架!

小編會不斷蒐集同整合美甲圖片俾大家參考,有興趣嘅就去我地網站睇睇喇!

如果你想你嘅靚靚指甲出現係小編推介入面,可以INBOX俾小編咖!

0

大自然就係最好嘅配色! 意籍設計師帶你尋色版

dinsta

▲初夏又點少得生機勃勃嘅向日葵呢?

對於有留意開時尚、化妝嘅人;或者係從事設計行業嘅人,色版係一個好熟悉嘅名詞,而Pantone色版更係近年來大家所熟悉的色彩系統,不論係化妝品、時尚單品、室內設計甚至建築都見到Pantone大熱色版嘅影子呢!


▲日落嘅色彩係幾咁和諧

Pantone色版慢慢溶入大家嘅生活入面,漸漸成為玩創意嘅靈感來源!常見的就是顏色同生活物件搭配,或者係將美味佳餚同色版連結,生活中嘅色彩都不經意的與色票連結,加上色版成個畫面即刻變得好高級!義大利視覺設計師Andrea Antoni更將生活中嘅色融入色版當中!佢選出色版其中一頁,色版上嘅色彩你可能會在夕陽中發現、在海中找到或是在白雪中找到它們的蹤跡,呢啲攝影搭配色版嘅攝影作品正係Antonie透過佢嘅雙眼所望出去嘅世界。


▲清晨的天空所交織嘅顏色好夢幻!

dinsta
▲戈里齊亞嘅建築好和諧呢!

dinsta▲托斯卡尼嘅郊外,睇到都覺得舒服!

其實只要細心觀察就會發現更多生活中意象不到嘅風景,色彩同身邊一事一物都係你創作嘅好方法!想睇更多Andrea Antoni嘅作品,可以去佢Instagram:按我

0

深圳遊樂團 迷你K吧周圍唱無難度

14-12-2017-03-27-32.png唔知大家有冇聽過迷你K吧呢?近2年內地吹起迷你K吧嘅熱潮,一個個好似電話亭嘅K吧出現係街上工,商場入面,俾大家隨時過吓K癮。今次小編去歡樂海岸食飯都見到有得玩,就係呢個友唱 X全民K歌嘅K吧。

14-12-2017-03-28-59.png

行入去只要用WeChat掃QR Code就可以點歌,都唔平架!8蚊一首,如果想唱耐啲仲可以買限時Package。

14-12-2017-03-29-33.png14-12-2017-03-29-47.png

K吧細細,有2枝咪,1個人唱又得,唔會覺得太空虛;拍住拖去唱都幾好架,係度搵返少少2人世界,感情升吓溫。

唱完仲可以Send返錄音俾自己,扮吓Studio嘅感覺。仲有好多比賽可以參加,下個巨星就係你。

不過如果係想唱耐啲,小編都係建議去K房唱啦,又有嘢食,價錢仲平好多。

 

0

冬至食譜 水晶湯圓自己做

上次同大家整咗冬至其中一樣食物,白菜豬肉水餃,今次想同大家整埋廣東人喺冬至必備嘅湯圓,近幾年興紫薯,所以我地就整個雙色水晶湯圓啦,對比起其它餡仲健康啲添!

材料:

木薯粉 450G

滾水 400G

紅薯 3隻

紫薯 2隻

低脂練奶 適量

糖粉 適量

1.滾水分10次以上加入木薯粉拌均勻,一定要逐少加。

2.搓成粉團後用保鮮紙蓋好,放最少20分鐘。

3.紅薯、紫薯連皮蒸熟,去皮壓成蓉,加入練奶及糖粉調味成餡。

4.一份粉團包入一份餡,搓圓,滾上薯粉。

5.滾水落湯圓,加水翻熱2次至浮起,熄火燜最少十分鐘,完成!

小貼士:餡料想更香更滑,可以用奶粉代替練奶,再拌入牛油,但熱量就會比較高。

 

0

皇后像廣場聖誕樹亮燈啦!

每年中環皇后像廣場都會擺放巨型聖誕樹,今年12月1日都有18公尺高嘅華麗聖誕樹!唔理點講,聖誕節最重要嘅元素聖誕樹不可缺!

14-12-2017-12-42-16.png

今年嘅聖誕樹以銀紅兩色為主色調,睇落更有奢華璀璨感!

14-12-2017-12-42-37.png

14-12-2017-12-42-51.png

而且仲有小小詩歌班表演、仲有機會遇到驚喜現身嘅聖誕老人同佢嘅小伙伴,同大家歡渡節日。

14-12-2017-12-43-09.png

呢度不僅係打卡景點,更係體驗港式聖誕嘅好地方,愉悅氣息好濃厚,快啲黎感染上屬於節慶嘅溫暖與溫馨啦!

地點:中環皇后像廣場北

 

日期 : 2017 年 12 月 1 日 – 2018 年 1 月 1 日
地點 : 中環皇后像廣場

0

沙田新城市廣場浪漫粉紅夢幻遊樂園

上個聖誕,沙田新城市廣場推出夢幻花海大獲好評!今個聖誕,夢幻加碼,以粉紅色遊樂園為主題,星光花園化身粉紅色天堂。場內嘅一景一物都閃爍住粉色光芒,帶你進入粉色夢幻國度。大家仲唔去感受吓呢個粉色聖誕?

14-12-2017-12-28-14.png

一入到去就全見到粉紅燈海迷宮,草牆鋪滿點點粉色星光!仲有萌萌粉紅小鹿喺迷宮入面迷惑大家,邊個話迷宮要高架?夠夢幻,令人移不開腳步先係佢嘅魔力。

14-12-2017-12-29-52.png

離開迷宮你就正式進入呢個粉色世界啦!除咗粉紅聖誕樹、燈海之外,100呎嘅粉紅隧道映入眼廉。呢條粉紅隧道掛咗超過三百個深淺粉紅波波,仲透出柔和嘅光芒,漫天粉紅好似入咗奇幻故事入面啊!

星光許願亭入面會吹出煙霧泡泡,戴上現場提供嘅絲絨手套,仲可以讓泡泡停留喺手上。當泡泡爆破嘅時候,會化成一縷輕煙飄走,很浪漫啊!想體驗就留意返活動時間去排隊參加啦!

14-12-2017-12-30-11.png

14-12-2017-12-30-38.png

另外場內仲有夢幻熱氣球、暖光搖搖板、粉紅氹氹轉同仿歐洲小屋嘅粉紅屋,影相影到手軟啊!影完相可以落返玻璃天幕廣場嘅「千禧粉紅聖誕後花園」繼續影,有一間由多個潮牌合力打造成8米高嘅粉紅聖誕樹屋,睇到都心動啊。

14-12-2017-12-30-54.png14-12-2017-12-31-57.png

Rosy Christmas @ Starlight Garden紅粉夢樂園
日期: 即日起至2018年1月14日
地點: 沙田新城市廣場

0

Kiki & Lala*Precious Moments 黃埔過聖誕

自從黃埔通咗地鐵之後,大家又多咗個行街睇戲食飯嘅地方。今年聖誕,成個黃埔仲充斥住天使嘅氣氛,等大家可以係天使嘅祝福之中歡渡聖誕!住喺夢幻星雲關懷星嘅Little Twin Stars,約埋Precious Moments嘅小天使以「星星 • 天使」夢幻組合聯乘合作,降臨黃埔新天地為大家帶黎【Little Twin Stars x Precious Moments 聖誕天使奇緣】!

14-12-2017-12-06-46.png

「摘星城堡」夢幻華麗,Kiki揹住一粒大星星,處處都係影相位,中間嘅Kiki正係度送小星星比小天使同佢交朋友呢!一邊嘅Lala係「星彩畫亭」將佢嘅大星星塗上BlingBling粉紅色等大家同佢合照;另一邊嘅小天使坐係「星願池」陪大家許願;成場地都鋪咗雲朵地板,影相出黎好似企係天空之中咁啊!

地點:黃埔新天地時尚坊地庫

14-12-2017-12-05-10.png

由月亮牽引的「天使星星車」呢邊有兩位可愛嘅Precious Moments小天使,喺雲端中穿梭穿梭彩虹同月亮。大家仲可以登上星星車影相,同小天使漫天際。

地點:黃埔新天地聚寶坊門口

14-12-2017-12-04-38.png

因為星星同天使嘅加持,黃埔號化身「夢幻星艦」,小天使同星星們都集合係入口等大家一齊上船呢!後面仲伴有粉彩五層摩天聖誕樹同閃閃發光嘅六角星摩天輪,超級夢幻!小天使、Kiki 同Lala都好努力為大家送上聖誕祝福呢!另一邊嘅「星月叢林」佈滿月亮同星星樹,閃閃發光。位主角係「星月叢林」玩得好開心呢,希望佢地嘅開心可以感染到大家。

地點:黃埔新天地「黃埔號」

觀迎𦲷到Kiki & Lala嘅秘密基地「星雲部屋」參觀!充滿趣味星形的部屋浮在片片雲朵上,兩位小主人係屋前迎接大家;Kiki踩喺星星上面同大家揮手,好可愛;Lala仲拎住仙女棒坐喺鞦韆上面等你同佢玩呢!

地點:黃埔新天地享膳坊

14-12-2017-12-05-31.png

【Little Twin Stars x Precious Moments 聖誕天使奇緣】開放詳情:
日期: 即日起至2018年1月7日
地點: 黃埔新天地時尚坊、聚寶坊、享膳坊、「黃埔號」
時間: 10am – 10pm

0

冬至暖笠笠 一齊包水餃啦!

 

冬至係中國傳統同一家人聚埋食飯嘅日子,更有「冬大過年」嘅講法,香港好多公司都會係做冬呢日早放,等大家可以同屋企人齊齊整整食餐飯,而今日小編就想同大家一齊包傳統冬至會食嘅水餃,好易整,好健康添架13-12-2017-03-47-47.png

材料:

水餃皮1磅13-12-2017-03-50-54.png

免治豬肉半斤

13-12-2017-03-50-18.png

白菜半個

13-12-2017-03-50-01.png

白蝦1碗

13-12-2017-03-50-31.png

薑、蒜、鼓油 隨心

13-12-2017-03-50-41.png

鹽 少許

13-12-2017-03-51-10.png

白菜洗淨切碎、撒鹽,放置至少20分鐘。

以布包住白菜碎,擰乾水份至碗中備用。

免治豬肉加入隨心加入薑、蒜或鼓油拌勻調味。

白蝦挑腸切粒,拌入蝦粒及白菜碎。

以白菜水沾濕餃皮邊緣,加入一匙餡料,對摺收邊包成餃子。

注意肉餡唔好沾到餃子邊,以防煮嘅過程中會爆開。

滾水落少少鹽同油後落餃,水滾之後開蓋加一杯凍水,重複2次即成!

襯熱食啦!冬至快樂!