0

深圳遊樂團 迷你K吧周圍唱無難度

14-12-2017-03-27-32.png唔知大家有冇聽過迷你K吧呢?近2年內地吹起迷你K吧嘅熱潮,一個個好似電話亭嘅K吧出現係街上工,商場入面,俾大家隨時過吓K癮。今次小編去歡樂海岸食飯都見到有得玩,就係呢個友唱 X全民K歌嘅K吧。

14-12-2017-03-28-59.png

行入去只要用WeChat掃QR Code就可以點歌,都唔平架!8蚊一首,如果想唱耐啲仲可以買限時Package。

14-12-2017-03-29-33.png14-12-2017-03-29-47.png

K吧細細,有2枝咪,1個人唱又得,唔會覺得太空虛;拍住拖去唱都幾好架,係度搵返少少2人世界,感情升吓溫。

唱完仲可以Send返錄音俾自己,扮吓Studio嘅感覺。仲有好多比賽可以參加,下個巨星就係你。

不過如果係想唱耐啲,小編都係建議去K房唱啦,又有嘢食,價錢仲平好多。

 

廣告
0

韓國便利店 脆脆集合!3大香脆小食推薦

香港人鐘意食香口嘢,韓國人都係,而且仲有好多好味嘅香脆小食添!今日就想同大家介紹3款香脆小食,有咸有甜,款款吸引㗎!


香港有媽咪麵;台灣有科學麵;日本有童星點心麵;而韓國都有類似唧即食拉面, 叫做뿌셔뿌셔。呢個뿌셔뿌셔係由오뚜기出品,仲搵過 SHINee & f(x)代言添!同媽咪面唔同嘅係,佢有好多唔同口味,包括: 조리풍(燒肉味)、불고기 맛 (牛肉味)、떡붂이 맛 (辣炒年糕味)、 양념치킨 맛(炸
雞味)同바베큐 맛 (BBQ味)等等。小編今次試咗조리풍(燒肉味)嘅뿌셔뿌셔,佢嘅麵底本身有少少甜味,比媽咪麵厚身,加埋咸香嘅味粉都好夾!韓國人鐘食將뿌셔뿌셔啪碎做一塊一塊再均勻倒啲味粉上去食,同我地Shake Shake粉咁食好唔一樣,下次大家都可以試吓咁食!

01-12-2017-10-13-07.png

第2樣就係呢個韓國爆谷Jolly Pong(죠리퐁),據知呢個好似米粒咁嘅穀物小食唔算係啲咩知名品牌嘅零食,但最近風頭橫掃全韓國啊!Jolly Pong外表睇落一啲都唔似爆谷,味道偏甜,完全係穀物早餐味!可能都因為係咁,Jolly Pong由一般零嘴變成“健康早餐”,又或者係下午茶的最佳陪伴!韓國唔少飲品店都會加入Jolly Pong呢!可以配奶昔、果汁、咖啡,而小編今次就用牛奶做搭配,果然係超級穀物早餐Feel!就咁食又好香脆,可以取代一般爆谷睇住戲呢!

01-12-2017-10-12-40.png

最後就係韓國Calbe推出嘅山葵章魚燒波波,其實佢嘅原味已經因為韓劇"又,吳海英"女主角加持而大受追捧!劇中如果吳海英要飲酒佢都會配上這一包章魚燒波波!今次再加碼推出山葵味,等小編又試試佢先!聞上去其實無乜Wasabi味,同原味差唔多。一粒粒波波造型嘅脆脆都好合乎章魚燒嘅形象,食落口!!!!竟然係都幾強烈嘅山葵味,但唔會好刺激,反而好清新,我自己就覺得佢Wasabi味成功蓋住咗章魚燒嘅味,2隻味各有特色,好啱配下啤酒汽水一齊食!真心好推薦啊!可能因為太紅,喺香港大少少嘅超市都有可能搵得到佢!大家見到一定要買返包試吓啊!

01-12-2017-10-12-23.png

 

 

0

韓國便利店 狂賣100萬條JinJu魚肉腸

今日想同大家介紹呢2條係韓國超多人推薦嘅韓腸,佢係韓國已經賣出超過100萬條, 係國民美食啊!韓國人好喜歡係食杯面、飲咖啡嘅時候配上即食食物做配料,呢2條堪稱近期代表啊!其香港都唔少旅遊網站有介紹過佢地架啦 !

登登登登!我講緊嘅就係呢2條流心芝士魚肉腸同吞拿魚沙律魚肉腸! 特登係韓國買返黎架!據我所知香港都有啲IG店有賣!試咗芝士先!超多芝士超澎湃啊!味道係芝士拉麵嗰隻芝士粉嘅味,包裝係話係車打芝士,如果你係芝士控就唔好錯過啦,配埋芝士拉麵簡直絕配!

05-12-2017-03-29-48.png

吞拿魚味就無咁醬爆,但吞拿魚肉好鮮甜、好香,仲磨得夠綿,好幼滑,如果就咁食小編更加喜歡吞拿魚味呢!令人一試成主顧啊!

05-12-2017-03-30-05.png

05-12-2017-03-30-17.png

唔知你地又會鐘意邊一款多一啲呢?如果你地都有韓國小食推薦,記住同小編講啊!

0

韓國便利店 乳酸軟糖好味道

去韓國一定要去大手掃零食返香港,今次就同大家介紹呢隻食唔停嘅乳酸軟糖,好好味啊!呢隻韓國最最新款嘅軟糖,係由韓國乳酸製造商推出,唔會太甜膩,口感又正,酸甜口味&瓶子造型,鐘意食糖嘅碼蟻人千祈咪·錯過啦!

今次我地就試咗呢水蜜桃乳酸口味同草苺口味嘅軟糖啦!可愛的益力多樽造型,水果嘅香甜滋味 真係好值得一試!

小編自己就鐘意食桃味多啲,小小一粒桃味軟糖一拎出黎,桃香就濔漫於空氣中啦!真係會令人一粒接一粒放入口啊!13-12-2017-12-05-33.png

另一款草莓味就真係草莓乳酸嘅味道,但香味就無咁濃,要𡁻多幾吓先散出黎,呢2隻味都唔會太甜,細細粒一個唔覺意就食曬一包啦!

有機會去韓國既話,記住去便利店買返幾包黎試吓啦!

0

深圳輕鬆遊 想影文青風美照就要去創意文化園

又係我啊,愛北上嘅Y小編!上次同大家介紹嘅抹茶店係咪好吸引,今次就同大家介紹另一個打卡熱點,OCT創意文化園。小編係一個愛逛市集嘅人,OCT創意文化園每個月第一個週末都會舉行週末市集,於是乎小編每隔一個月基本上都會北上一次去趁墟。但呢個只係我推薦呢度其中一個原因,除咗市集之外,呢度有設計師品牌;有唔同風格嘅餐廳、Cafe;有文藝書店;有藝術展覽,無論你係想玩玩玩、食食食、影影影定買買買呢度都有齊,甚至可以上埋設計獨特嘅salon剪頭髮,點都要黎返次啦!

OCT創意文化園每期都會有唔同嘅展覽,今次我地就遇正竹藝展,欣賞到藝術家眼中大自然嘅美。

22-11-2017-01-58-24.png

呢度基本上每間鋪頭都有花心思去裝修,隨便一影就係打卡相。

小編自己好喜歡去呢間隱於書店內嘅Cafe,雖然張張檯凳都唔同樣,但又出奇地好和諧;座係後園又勁Chill,仲有隻型仔貓貓鎮店添!

22-11-2017-01-59-07.png

呢邊夜晚周不時都有幾間餐應會有現場駐唱,氣氛好好,食物質素都幾好,價錢又唔貴,有興趣可以上黎體驗一下。

22-11-2017-02-00-40.png

今日就介紹到呢度,如果大家有興趣就留言話俾小編知啦,小編可以逐一為大家介紹!拜拜!

0

【台灣】台灣都可以拍和服! 沐樂京都+羅東林場

沐樂京都由三位宜蘭年輕人返鄉創業而成,佢地覺得和服可以襯托出林場日式建築嘅時空背景,所以來到呢度唔單止可以嘆下午茶、睇下風景,仲可以換上和服,更加體驗到日式文化風情!店內除咗提供著衣同美髮服務、甚至還有攝影師可以幫朋友、情侶們影靚相!

圖像裡可能有3 個人

Photo via 沐樂京都·和服體驗·和服寫真

更加吸引嘅係,沐樂京都以平實價格為號召,令遊客唔洗花大錢去日本就可以體驗宜蘭獨特嘅日本風情,透過應景嘅打扮係台灣都可以體驗日本文化呢!

羅東林業文化園區的圖片搜尋結果Photo via 痞客邦PIXNET

而羅東林業文化園區係台灣昔日嘅羅東林場,曾經支撐起台灣林業嘅一片天,由於佔地廣大,環境清幽、仲費用全免,吸引唔少人去閒渡一個寫意嘅周末,仲係攝影好去處添!有機會大家都可以去行下,無論有冇著住和服,呢度都好岩影返輯靚相架!

 

圖像裡可能有一或多人、大家站著和戶外

Photo via 沐樂京都·和服體驗·和服寫真

 

沐樂京都

電話:0905 665 538

地址:宜蘭縣羅東鎮中正北路179號2樓

時間:9:00 – 17:00

 

景點資訊>>

羅東林業文化園區

電話: 03 954 5114

地址or交通:宜蘭縣羅東鎮中正北路118號

時間: 09:00–17:00

 

0

【台灣】台灣靚靚城堡 你去過幾多間? 。下

上次同大家分享左幾座台灣城堡,係咪好靚呢?今次小編就繼續同大家分享下啦!

Photo via 新社莊園

有別於之前介紹嘅幾間城堡,新社莊園嘅古堡,唔係浪漫嘅尖頂古堡,而比較偏向碉堡,紅磚堆疊而成嘅莊園城堡帶點典雅復古、別有一分大氣,同樣都好靚呢!

_MG_4522Photo via 新社莊園

走入由磚頭砌成嘅城堡,就嫌似置身於復古電影場景之中,所到之處隨拍都非常有古歐洲嘅味道,加上園區內嘅山水景色更加係靚到彷佛身處仙境之中。新社莊園仲有好多好玩、好食又好影嘅地方,如果時間許可,不妨安排一日過黎放鬆吓!

新社莊園古堡

網站:http://www.summit-resort.com/
地址: 426台灣台中市新社區協中街65號

營業時間:9:00-18:00
門票:
全票NT$250;適用一般民眾。
半票NT$150;適用7-12歲兒童、65歲以上年長者和身心障礙人士。
清潔費NT$50
dinstaPhoto via lume0428

元首館嘅主建築採用歐式風格嘅建築設計,賣相如同一座歐式城堡,同埔里芬芳嘅花卉相呼應而城堡建築的外牆,由人工雕塑嘅洗石子牆面同貼石板牆面,好有歐洲嘅感覺。

dinstaPhoto via y.chinglee

城堡以元首為名,以歐式城堡建築特色作呈現,令到訪民眾體會到元首級嘅尊榮。加上到處嘅擺設十分夢幻,到處都充斥歡樂嘅氣氛,而且仲有超多夢幻影相位、仲有好好食嘅牛軋糖(小編淨係掛住食=V=),真係非常推薦大家過黎玩返一日架,影完相可以係度買埋手信過返一日先走。

相關圖片Photo via 元首館

元首館以城堡為概念設計,除了符合"元首"身分之外,更係想由建築設計當中,讓參館嘅人士瞭解到,元首唔只係個稱謂,同時都代表咗第一名,鼓勵所有人勇敢追夢,唔好放棄夢想,唯有勇敢追逐夢想,先至可以創造出第一名嘅人生。

元首館

館址:南投縣埔里鎮中山路四段219號(魚池交流道下左轉100公尺)
電話:(049)291-8668,餐廳:(049)291-0222
營業時間:09:00-17:00(平日),09:00-17:30(假日)
基本消費:無需門票
停車位置:設有停車場

Photo via 伯朗咖啡館

唔知你地鍾唔鍾意飲咖啡呢?頭城城堡咖啡為金車伯朗咖啡嘅關係企業,位於外澳嘅半山腰上,登堡可以一覽宜蘭頭城嘅無敵海景,天氣好的話,還可以遠眺龜山島,擁有得天獨厚嘅地利優勢。

Photo via 伯朗咖啡館

黎到呢度可以放鬆心情,望住怡人風景,品嚐美食同咖啡,無論戀人、朋友、家庭,都好值得黎呢度一遊架!而且小編聽講呢度嘅餐飲十分不錯添,又係食食食=V=,有機會嚟品嚐一下啦!

金車伯朗頭城城堡咖啡一館

地址: 261台灣宜蘭縣頭城鎮外澳里8鄰石空路95號
開放時間: (平日)08:00–18:00、(假日) 08:00–19:00
電話: +886 3 969 9226

 

想睇更多台灣城堡,可以睇返呢度,其實台灣仲有好多歐式建築,尤其是民宿,小編會為大家一一介紹,記住Follow我地Facebook 啦!